Во Граѓанскиот ресурсен центар во Скопје, во присуство на повеќе ТВ медиуми, Националната Асоцијација на Пронаоѓачи на Македонија (НАИМ) одржа прес конференција по повод на ново-патентирана заштитна маска за повеќекратна употреба.

Со овој вид на ново патентирана заштитна маска се решава проблемот на не-популарноста на носење на досега произведуваните заштитни маски.

Имено, при користење на до сега познатите маски, при секое вдишување се вдишува и дел од издишаниот воздух, кој останува помеѓу маската и лицето. Овој веќе без-кислороден воздух содржи и извесна количина на CO2, што при подолго носење доведува до по брз умствен и физички замор, со што се создава одбојност кон маските.

Новото техничко решение овозможува, да воздухот се вдишува низ платното низ нос, а се издишува низ, орални стерилни изменливи издувници и пластични канали, директно во посебни џебови, вградени во маската.

Овој патент е одговор на НАИМ на апелот, упатен од страна на Претседателот на IFIA D-r Ali Reza Rastegar до сите национални асоцијации на пронаоѓачи да се вклучат во борбата против Ковид 19, чија полноправна членка е и НАИМ.

Презентацијата ја одржа Претседателот на НАИМ Мирко Узелац.

Видео-прилог од настанот го имате ТУКА.

Leave a Comment