Анксиозноста од работа се нарекува Ергофобија. Тоа претставува ирационален страв од работа и одговорност. Лицето кое страда од ова нарушување верува дека не може да успее во деловниот свет, дека е осудено на неуспех и дека е неспособно да ги исполни своите обврски.

Ергофобија е дел од нарушување на социјалната анксиозност, а тоа значи дека е поврзано со ирационален страв од социјални ситуации. Може да се појави и со многу други фобии и ментални проблеми.

Најголемиот проблем е што луѓето кои го имаат ова нарушување често не можат да побараат помош бидејќи немаат доволно финансиски средства за каква било терапија, пишува „Крениздраво“.

Анксиозноста од работа се нарекува Ергофобија

Причини за ергофобија

– Стравот од вработување може да влијае на два типа на луѓе – оние кои веќе имале работа или оние кои никогаш порано не работеле. Постојат многу можни причини за ергофобија:

– шизофренија – ментално растројство што последователно може да доведе до страв од социјални ситуации;

– страв од отфрлање – луѓето кои имале работа порано може да бидат отпуштени одеднаш, што доведува до нивниот страв од повторно отфрлање и постојана ергофобија;

– лекови, нарушувања на спиењето или стрес – заморот е вообичаен несакан ефект на многу лекови пропишани за депресија, така што таквата состојба на замор, несоница и стрес е маѓепсан круг што создава ергофобија;

Многу е веројатно дека некое лице поради својата фобија барало лекови против анксиозност кои само го зголемиле стравот;

– трауматско искуство – повреда на работа или каква било непријатна ситуација на работа (малтретирање, злоупотреба или мобинг од страна на работниците, доживување грабеж или некое друго кривично дело на работа, итн.) може да доведе до посттрауматско стресно нарушување, од кое сето тоа може да предизвика ергофобија;

– депресија – депресивните луѓе почесто развиваат страв од вработување;

– Невролошки нарушувања – Луѓето со невролошки нарушувања (на пример, опсесивно -компулсивно растројство) најверојатно ќе избегнуваат работа поради можна непријатност и страв.

Симптоми на ергофобија

Има многу луѓе кои навистина не сакаат да станат наутро од кревет и да одат на работа, но во случај на ергофобија, лицето страда од многу сериозен проблем одејќи на работа. Дури и самата помисла на работа е доволна за да предизвика напад на паника.

Најчестите симптоми на ергофобија вклучуваат: страв од работа, одговорности  и иизвршувања на обврски, страв од нова работа, страв од грешки на работа, страв од ново работно место, избегнување одење на работа, стрес поради работа. Потоа, чувство на вртоглавица и гадење, потење и непријатност, неможност да ја опишат својата состојба, појава на тага и депресија. Исто така честа потреба за бегство од моменталната ситуација и барање смисла, употреба на алкохол и дрога, употреба на лекови, претерано размислување за смртта.

Екстремната ергофобија води кон избегнување од одење на работа неколку дена, што на крајот доведува до целосен прекин на работата или отпуштање. Ова дополнително го зголемува стравот од повторно вработување.

Последици од ергофобија

Постојат многу дополнителни компликации што можат да се појават како последица на ергофобија, како што се: развод, семеен проблем, финансиски долгови, занемарување на здравјето и хигиената, неможност за одржување блиски односи.

Во краен случај, едно лице може да изгуби сe што поседува и да заврши на улица, ако нема никој што може да им помогне и да ги разбере.

Третман на ергофобија

Повеќето луѓе на крајот ги препознаваат симптомите на ергофобија и сфаќаат дека имаат проблем. Иако не постои специфичен лек за ова нарушување, помошта на психотерапевтот може многу да придонесе за надминување на стравот.

Психотерапијата, советувањето за работа за пронаоѓање други интереси, како и некои техники за самопомош и ослободување од стрес (вежби за релаксација на мускулите, методи за длабоко дишење) може да им помогнат на луѓето кои страдаат од ова нарушување. Друго можно решение е да размислите да започнете сопствен бизнис или да барате работа што може да се направи од вашиот дом.

Само во тешки случаи на ергофобија се препишуваат лекови против вознемиреност, но на тоа сигурно му претходи разговор со лекар.

Leave a Comment

You must be logged in to post a comment.