НЛБ Рамка за помош, проект за поддршка на микро ималите претпријатија. НЛБ Банка оваа година, по вторпат го спроведува проектот НЛБ Рамка за помош,  имајќи го позитивното искуство од минатата година. Целта е да се  поддржат микро и малите бизниси од индустриите кои се најзасегнати од Ковид кризатa.
Станува збор за иницијатива која веќе имаше своја успешна реализација во текот на минатата година. А, која е всушност одговор на актуелните случувања и неизвесните економски услови предизвикани од пандемијата.

 

Со проектот НЛБ Рамка за помош, НЛБ Банка им овозможува на микро и малите претпријатија поддршка преку бесплатно рекламирање и промовирање на нивните продукти и услуги низ различни медиуми. Исто така за избраните фирми Банката ќе овозможи и одредени поволности и придобивки од областа на електронската трговија.

  Уникатен проект

Со НЛБ Рамка за помош, Банката всушност им овозможува на микро и малите претпријатија полесно да ги надминат последиците од кризата. Односно индиректно да ја зголемат својата продажба и да го вратат нормалниот тек на работење. Ова е уникатен проект кој се одвива во рамките на сите банки членки на НЛБ Групацијата. Имено и оваа година помошта е координирана и заедничка со останатите членки на едно пошироко и регионално ниво.

Во 2020 година, во рамките на НЛБ Групацијата земаа учество повеќе од 270  компании. Целта е овие бројки двојно да се зголемат оваа година.

„Изминатата година, нашата земја како и целиот свет се соочи со исклучително тешки предизвици. Работевме во услови на голема неизвесност. Иако пандемијата сè уште нè става на тест и очигледно е дека заздравувањето ќе оди етапно и споро. Сепак неопходно е секој од нас да го преземе својот дел од одговорноста во остварувањето на оваа важна задача.

Борбата за заживување на економијата е борба за квалитетот на животот на сите граѓани. А, ние во финансискиот сектор можеме и мораме да играме важна улога во таа борба. Горд сум што уште минатата година поддржавме 100 избрани микро и мали бизниси и креиравме 350 уникатни реклами. Така им помогнавме да го водат бизнисот за време на Корона кризата кога беше најтешко.

Поучени од ова позитивно искуство, како и поради големата заинтересираност и барања од микро и малите претпријатија и оваа година ја спроведуваме НЛБ Рамката за помош. Целта е да им помогнеме на фирмите да го пребродат овој тежок период“, вели Антонио Аргир, претседател на Управниот одбор на НЛБ Банка АД Скопје.

Аплицирањето започна

Сите микро и мали претпријатија кои имаат потреба од ваков тип на поддршка можат да се пријават на веб страницата на Банката (www.nlb.mk) во периодот од 20 април до 10 мај.

Сите апликации ќе бидат разгледувани од страна на комисија, при што ќе се направи евалуација и селекција. Така што ќе се изберат оние претпријатија кои ги исполнуваат условите и критериумите што се во согласност со поставените Правила на самата апликација.

Избраните компании ќе имаат можност да се рекламираат во периодот од 21.06.2021 година до 30.09.2021 година.

Leave a Comment

You must be logged in to post a comment.