Како да се анализира конкуренцијата?! За вашиот бизнис да биде успешен, анализата на конкуренцијата е од суштинско значење. Важно е одлично да ги знаете конкурентите и нивниот начин на работа, со цел да ги неутрализирате евентуалните закани што доаѓаат од таа страна.

Благодарение на изобилството понуди, како и огромниот број на различни информации што лесно стигнуваат до потрошувачите, борбата на пазарот никогаш не била посложена и немилосрдна. Денес не се соочувате само со локална конкуренција, туку имате директни конкуренти од сите делови на светот.

Тоа се производители од Далечниот Исток, Кина, Индија, Бангладеш, но и од најголемите мултинационални компании во светот. Се разбира, постои и локална конкуренција. Кога бизнисот оди одлично и вие сте неприкосновен лидер на пазарот, најголемата грешка претставува смирување на самозадоволство, опуштањето и игнорирањето на активностите преземени од конкуренцијата.

Како да се анализира конкуренцијата?!

Информации се од стратешко значење


Додека една компанија е пасивна и не е свесна за промените на пазарот, друга може, со својот агресивен  настап и постојани продажни активности, да грицка дел по дел од пазарниот удел, на дел од територијата или на дел од асортиманот.

Имајќи го ова на ум, следниве типови на информации се од стратешко значење за секоја компанија и тие обезбедуваат заштита од потенцијални напади:

 


  • -Кои се сегашните и потенцијални конкуренти?

  • -Каков е нивниот начин на работа?

  • - Какви се нивните производи?

  • - Нивната финансиска сила и дали се подготвени за нови инвестиции со цел да освојат поголем удел на пазарот?

  • -Кои се нивните долгорочни, среднорочни и краткорочни планови?

  • -Кои се нивните конкурентни предности и кои се нивните слабости?

  • -Како се организирани?

  • -Дали планираат и активно работат на воведување нови производи и услуги?

  • -Која е нивната ценовна политика?

  • -Како ги перцепираат клиентите и добавувачите?

  • -Дали тие моментално имаат проблеми со ликвидноста, поради што можат да бидат интересни за преземање?

  • -Каква ќе биде нивната реакција во случај на активности преземени од вашата компанија?

  • Индикаторите за нивниот бизнис се особено интересни доколку може да се дојде до нив. Тука пред се се’ мисли на пазарниот удел, вкупната продажба, но и други показатели. Врз основа на нив, можете да направите споредба со вашите индикатори и да процените кој е подобар.


Доколку станува збор за директен конкурент, потребно е да се погледнат корените на неговиот успех и да се извлечат поуки од него. Не е срамота да учиш од некој подобар од себе. Многу е поглупаво да се инсистира на помалку успешен и неефикасен начин на работа, е став на многу економски аналитичари.

И новата технологија- конкуренција?


Покрај моментално активните конкуренти, неопходно е да се земат предвид компаниите што ќе станат такви во иднина. Ова првенствено се однесува на компании кои ќе се обидат да влезат на пазарот од странство, но и на оние кои работат на нови и понапредни технологии.

Пазарот попрво ќе биде избришан од новата и поуспешна технологија отколку со конкуренција која има технологија идентична или слична на постоечката.

Примерите се многубројни:


Сите се` уште се сеќаваат на класичните фотоапарати и популарноста што некогаш ја имаше апаратот Полароид, којшто моментно ја вадеше готовата фотографија. Денес, нив ги користат многу мал број корисници (главно уметници и ентузијасти), додека пазарот на дигитални камери се мери со стотици милиони парчиња продадени годишно.

Во блиска или далечна иднина, камерите монтирани на мобилните телефони целосно ќе го направат бесмислено купувањето на фотоапаратите како единствен уред, барем за општата популација.

Исто така, се забележува колку брзо LCD и плазма телевизорите ги заменија телевизорите со катодни цевки и разни читачи во дигитален формат на поранешниот  популарен Вокмен. Исто така, очигледно е до кој степен модерните материјали ја заменуваат употребата на челик во автомобилската индустрија, додека електрични и хибридни мотори се инсталираат наместо дизел и бензински мотори.

Каде и како да се соберат информации за конкурентите


За почеток на веб -страницата на вашата конкуренција. Овде можете да ги добиете потребните информации за корпоративните вредности, организацијата на продажната и пост-продажната мрежа, седиштето и деловните единици. Компаниите често даваат детален преглед на производите, а понекогаш и комплетни каталози со палета на производи и продажниот асортиман.

Во случај кога е овозможено електронско нарачување на производи, ќе добиете валиден ценовник со каталогот. Во делот за актуелност, ќе видите информации како што се оние за отворање нови деловни единици, учество на саеми, инвестиции или склучување големи и значајни договори.

Маркетиншките акции се споменуваат и во однос на временски ограничено намалување на цените на одредени артикли, давање пакување подарок или разни промотивни материјали.

Ако веб -страницата содржи дел посветен на потенцијалните инвеститори, ќе забележите податоци поврзани со продажбата на компанијата, нејзината профитабилност, како и други финансиски показатели. Запомнете дека нивните референтни купувачи се вашите потенцијални клиенти.

Како да се анализира конкуренцијата?!

Во средствата за масовно огласување


На ист начин како што ги промовирате своите производи, така и конкуренцијата ги промовира своите. Во различни весници, на радио, телевизија, на интернет, ќе дознаете што моментно прават конкурентите за да добијат нови клиенти.

На пример, ќе добиете информации за попусти, понуди со подобри услови за финансирање, разни наградни игри, пакети со подароци, отворање нови продавници или лансирање нови производи.

Исто така, ќе добивате информации и при посета на продажни и дистрибутивни места каде што се продаваат конкурентните производи, како и разговор со продажниот персонал.

При таа посета можете директно да ги видите производите на вашите конкуренти и да поставите релевантни прашања, за цената, функционалноста, условите за финансирање, гарантниот период, методот и времето на испорака.

Можете да купите одредена количина конкурентни производи и да ги користите како примероци што ќе ги анализирате во соодветните сектори, во вашата компанија. Врз основа на резултатите од истражувањето, ќе научите многу нови детали за нивниот дизајн, сигурност, начин на функционирање, ракување.

Еден од најдобрите и најкорисни извори на информации се клиентите на конкурентите


Тие можат да ги пренесат своите впечатоци стекнати со користење на нивните производи, како и да го дефинираат степенот на задоволство од аспект на потрошувачот. Некои ќе бидат  отворени да пренесат информации за цената или конкретните понуди што ги добиле од други понудувачи, со цел да си обезбедат поповолни услови за ново купување.

За работата на вашите конкуренти можете многу да научите за време на интервјуа за работа на кандидати кои моментно работат или порано работеле  за нив.

Дел од потрагата по потребните информации е доверена на специјализирани маркетинг и други агенции. Со нив, можете јасно да ги дефинирате областите од интерес, да изберете параметри за мониторинг и тие ќе се погрижат да направат детално истражување за вас. Се разбира, таквата услуга чини пари и треба да имате средства во буџетот за тие цели.

Конечниот заклучок поврзан со собирање на сите видови информации за конкуренцијата, наметнува обврска да се анализираат собраните информации и да се преточат во конкретни решенија и активности, кои го подобруваат успехот на компанијата во пласирање на производите  и услугите на пазарот  на којшто моментно работите и на оној на којшто планирате да влезете.