Брендовите мора да создаваат вредности кај потрошувачите. Да се предвиди и планира иднината во вакви несигурни времиња е тешка работа. Но, потребата за визионерство, иновации и трансформации никогаш не била поизразена кај бизнисот. Пандемијата ги промени функционирањето на брендовите и бизнисите. Но, и нивната слика на пазарите каде се присутни. Генерално, најмногу ги промени потрошувачите. Според Александра Дилевска, извршна директорка на „Публицис Груп“ за С. Македонија и Хрватска, пандемијата влијаеше на многу нивоа, кои доведоа до буквална дигитализација. Водењето на брендовите во иднината беше темата на која Дилевска се осврна на неодамнешниот „Скопје маркетинг самит“. Според Дилевска, без ковид-19, брендовите ќе немаа брза адаптација кон дигитализацијата. Оценува дека дигитализацијата беше во процес, но, од нејзе немаше итна потреба ни за бизнисот, ни за потрошувачите.
„Иднината е непредвидлива. Ние само можеме да зборуваме за трендови и очекувања. Некои трендови постоеја, некои се забраа, а некои се нови. Таа агилност која беше наметната од пандемијата влијаеше и на нормалните процеси во компаниите. Во однос на комерцијализациајта, податоците, автоматизација на процесите. Едноставно се' се дигитализираше. Доминантно, она што го гледаме е дека силата на онлајн платформите е уште поголема. Тие се јаки бидејќи се богати со податоци и имаат директна релација со потрошувачите. Моментално, 6/10 највредни комапнии во светот функционираат на систем на платформи“, вели Дилевска.
Како што истакна, економијата почнува да се нормализира. Активноста на бредновите се оправува во 2021 година, можеби нема да го достигне новиото пред 2020-та, но вели дека ќе расте.
„Одлуките на компаниите и преференците на консументите за користење одредени медиумски канали се разликуваат. Во дигиталните канали, консументите сакаат да ги избегнат рекламите и најинтересен им е „Тик Ток“. Додека маркетерите и компаниите, масовно инвестираат во „Јутуб“ и „Гугл“. Тука се гледа таа разлика помеѓу каде сакаат и што преферираат како медиумски канал луѓето, а што користат огласувачите“, вели Дилевска.
Очекувања на луѓето од брендовите
Дилевска вели дека приоритетите се сменети. Луѓето станале посвесни за социјалните теми, за животната средина. Повнимателно ги трошат парите, бараат нови искуства, бараат повеќе од компаниите и брендовите. А присутен е и трендот на антиконсумеризам.
„На младите генерации им се побитни искуствата, отколку материјалните работи. Во едно истражување од крајот на 2020 год. на прашањето зошто би се откажале од некои брендови, покрај лоша услуга на потрошувачите, лоша репутација за брендот, тука е и моментот како ги третираат вработените и околината во која работат. На повшина излегуваат многу поголеми критериуми кои се поврзани за добросостојбата на вработените. На луѓето им е најбитно компанијата да има придонес во општеството, да работи на заштита на околината. Очекуваат големите компании кои профитираат и работат особено во оваа ситуација кога бизнисите и семејствата се загрозени да вратат назад во општеството“, вели Дилевска.
Создавање вредност на брендовите
2021 година ќе биде фокус на растот. Тој раст го гледаме како приоритет секаде, а може да се достигне само со креирање на вредност кај потрошувачите и кај вработените. Старите и добри бренд стратегии се уште ќе важат, но, на друг начин ќе се изведуваат. Светските трендови, смета Дилевска покажуваат дека и најголемите брендови инвестирале премалку во градење на брендовите. Но, и дека повторно ќе се вратат на негова инвестиција.
„Брендовите се проценуваат врз основа на тоа какво им е лидерството. Односно, колку имаат емпатија и агилност, креирање на вредност која е препознатлива за нив, тоа се гради со тек на време и треба континуирано да се надградува. Конзистенстноста и културата се неминовни. Бизнисите кои ја имаат живата деловна идеја се тие кои опстануваат се рангираат и ја зголемуваат својата вредност. Ја задржуваат својата лојалност и предвидливоста за нивното купување во иднина. Иновациите и вредноста се создаваат во продуктот, културата на брендот, во начинот на комуницирање и градење на репутација. Еден од трендовите е постојатно да се иновира во креирање на вредности. Мислам на креативност. Тоа не е само да направиме убави видеа или дигитални промоции, туку да креираме нешто што ќе создаде вредност на брендовите. Иновирање на начинот на кој се дизајнира производот“, вели Дилевска.
Напоменува дека брендовите кои имаат цел, ќе имаат подобар перформанс кај луѓето. Покрај бизнис целите, мора да имате и други цели. Како пример го наведува концептот на „triple bottom line“, за кој вели дека не е само остварување профит за акционерите, туку се мери и профитот и ефектот на луѓето и на планетата. Тоа треба во иднина да ги води и брендовите. Бидејќи, овие аспекти се битни кај младите генерации кои ќе бидат нови консументи, а за нив тоа ќе биде битен момент кога ќе избираат меѓу брендовите.
