Во „Анторис“ напишавме повеќе интересни приказни за пчеларството во Македонија. Многумина пчелари ја раскажаа својата приказна, пасијата кон одгледувањето на овој животински вид, продолжување на семејната традиција  на одгледување и одржување на пчеларството, но и воведувањето на современи методологии во развојот на пчеларењето на ниво на семеен бизнис. Меѓутоа сите тие раскажаа дека пчеларниците им се сместени во чисти зелени предели на планинските падини, покрај разновидни шумски предели или покрај ливадите, далеку од градскиот загаден воздух. Но, досега не сме се запознале со урбаниот начин на пчеларство, односно со поставување на пчеларниците на крововите од високите згради. Токму за еден ваков начин на развивање на пчеларство пишува РТС.

Градскиот мед е хит во светот, а во овој тренд не заостанува ниту во Белград. Гостите на „Хајат“ го добиваат од покривот на хотелот, а остатокот се нуди како специјален белградски сувенир. По квалитет не заостанува зад медот од ливадите, а урбаните пчелари објаснуваат зошто решиле да ги чуваат кошниците со пчели на покривите на зградите.

Добро утро Белград

За Станко Рајиќ од белградското здружение на пчелари нема подобар почеток на денот од тоа кога со својата пчелна мрежа и со чадникот оди да ги провери кошниците со пчели. Тоа би било вообичаена пчеларска работа доколку кошниците со пчели не се наоѓаат на покривите на белградските солитери.

„Чувството кога ќе се качите на покривот на зграда е неверојатно. Во текот на летото, кога е многу топло, често го посетувам пчеларникот во раните утрински часови. Речиси никогаш не можам да одолеам да ја сликам градската панорама. Кога објавувам фотографија на социјалните мрежи, само пишувам „Добро утро, Белград“. Единственото нешто што можете да направите е да уживате во тие глетки и звуци на пчели. Тогаш градскиот метеж и вревата се далеку“, ја започнува приказната Рајиќ.

И додека во метрополите на развиените земји урбаното пчеларство одамна е присутно, во главниот град на Србија оваа практика започна во 2018 година.

„Видов како тоа го прават пчеларите во светот и му го предложив на нашето здружение. Целта ми беше да го доближам животот на ова прекрасно суштество до градското население. Многумина ме погледнаа зачудено. Денеска нашето здружение е познато низ цела поранешна Југославија, па и пошироко“, објаснува овој пчелар.

Љубљана и Белград се залагаат за развој на урбаното пчеларство

„Претходно беше забрането да се чуваат пчели во Њујорк од страв да не нападнат некого, но тоа одамна се промени. Денес, сите поголеми метрополи како Виена, Париз, Лондон, Прага имаат пчелни кошници на нивните згради. И додека овој вид пчеларство стана познато во светот, кај нас сè уште се гледа со сомнеж. „Гледајќи ги главните градови на поранешна Југославија, само Љубљана и Белград се залагаат за развој на урбаното пчеларство“, вели Станко Рајиќ од белградското здружение на пчелари.

„Според тврдењата на некои биолози, во Белград има близу 3.000 медоносни пчели кои слободно живеат и околу 270 други видови пчели. Овие инсекти живееле во градот уште од античко време, скриени од очите на јавноста. Граѓаните ги забележуваат само во периодот на роење. Никој не се грижи за нив, а не е снимено дека нападнале некого. Впрочем, пчелата има инстинкт да го заштити своето живеалиште, а не да ги брка граѓаните низ парковите“, додава пчеларот.

Градскиот мед, според овој пчелар е со исклучителен квалитет, што го потврдуваат и резултатите од испитувањата што се прават два пати годишно во Центарот за тестирање на храна.

„Во Белград не можете да извадите сортен мед како багрем, липа или сончоглед. Градскиот мед е како ливадски мед, бидејќи разните билки му даваат исклучителна арома. На крајот на пчеларската сезона мора да има мед, што е како шумски мед“, објаснува Рајиќ.

Пчеларството дел од проектот „Save the Planet“

Кошниците со пчели во Белград се наоѓаат на покривите на некои фирми, странски амбасади и хотели.

„Првата средба со урбаното пчеларство ја имав во 2011 година во Канада. Бидејќи како компанија го следиме проектот „Save the Planet“, сметаме дека пчеларството е многу важен дел од тој синџир. Сведоци сме дека Белград е зелен град во споредба со многу светски метрополи“, вели Милан Чотра од хотелот „Хајат Риџенси“.

„На овој начин имаме квалитетен производ кој со гордост можеме да го понудиме на гостите на хотелот. Исто така, покажуваме колку ни е важна животната средина и дека се грижиме за неа“, додава нашиот соговорник со покана до други компании да се приклучат на урбаното пчеларство.

Колку пчелни кошници може да има на една зграда не е утврдено со прописите.

 „Целта на урбаното пчеларство не е собирање мед и други пчелни производи, туку едуцирање на населението за важноста на пчелите за зачувување на екосистемот. Ниту сме носеле пчели, ниту имавме намера да донесеме во градот. Тие се таму долго време. Само ги ставаме во кошниците и се грижиме за нив“, вели Станко Рајиќ.

Меѓутоа, вака произведениот мед, како што вели Станко има свои клиенти, иако многумина сè уште не ги препознаваат целосно сите предности од неговата употреба.

„Повеќето компании за производство на мед со кои имаме договор го користат како подарок на своите деловни партнери. Секако, теглите со градски мед се специјално брендирани за секоја компанија со која соработуваме“, вели овој пчелар.

„Во градскиот мед има мала количина на полен што може да предизвика алергии. Долготрајното консумирање на таков мед постепено создава отпорност на алергии на полен“, објаснува Рајиќ.

Градскиот мед е хит во светот, а сè позастапен е и во Белград

Разновидните и бујни растенија и неупотребата на пестициди се исклучително корисни за урбаните пчели. Поради богатата исхрана тие се развиваат подобро и побрзо, а приносот на мед понекогаш може да биде три до четири пати поголем отколку кај пчелните кошници кои се преселуваат на пасиштата.

Градските пчели сигурно полесно ќе го надминат овој негативен период што го имавме поради падот на температурата, бидејќи Белград е полн со растенија, а пчелните семејства не зависат исклучиво од медот и цветовите на багремот, туку имаат на располагање изобилство храна. Минатиот викенд веќе се чувствуваше мирис на рани липи, а во Белград имаат неколку видови липи кои се исклучително поволни за развој на пчелните семејства, бидејќи го прошируваат пасиштето“, истакнува овој пчелар.

„Пчеларите од нашето здружение започнаа и кампања наречена „Уште не коси лоло“, која ја спроведуваме со градското зеленило. Тоа значи дека парковите не мора да се косат за да биде тревата како на Вимблдон, туку тревата да остане малку повисока за пчелите да имаат храна“, додава Рајиќ. Медот во кошниците на врвот на солитерот е со исклучителен квалитет

Најголем проблем за урбаното пчеларство е третирањето на комарците од авионите. Некои научници тврдат дека пчелите во урбаните средини поради загадувањето живеат пократко од три до пет дена, но нашиот соговорник вели дека тоа не го забележал во своите пчелни семејства.