Сезоната на заработка во вториот квартал се зголемува и инвеститорите внимателно ги разгледуваат резултатите на берзанските индекси од почетокот на оваа година и од почетокот на оваа сезона на заработка, оценуваат берзанските аналитичари. Според нив, иако акциите се соочија со значителна нестабилност поради трговските несогласувања, сепак, цените на акциите се искачија на највисоки нивоа на сите времиња. Тоа е уште еден мотив за оптимизам дека добрите времиња на економски раст и зголемениот профит ќе продолжат.

Трите главни индекси: S&P 500, NASDAQ, DOW JONES

Трите главни индекси кои ги опфаќаат најпознатите светски компании, ги вклучуваат S&P 500, Nasdaq Composite и Dow Jones Industrial Average (DJIA).

S&P 500 е најсеопфатната „слика“на берзата која ја сочинуваат 500 компании од различни сектори.

Nasdaq, како еден од најпопуларните технолошки акции, како и акции поврзани со вештачката интелигенција се смета за индекс со потенцијални поголеми добивки и поголеми загуби.

DJIA е главно индустриски базиран индекс, во кој доминираат големи таканаречени „blue chip“компании кои ја предводат индустријата. DJIA се состои од компании кои имаат конзистентен успех. Како таков, иако индексот може да има послаби резултати од Nasdaq, неговите составни делови може да претрпат помалку загуби.

 DOW JONES во 2025 година

Триесетте компании во индексот ги вклучуваат Coca-Cola, Boeing, Chevron, Microsoft и McDonalds. Од почетокот на оваа година Dow имаше послаби резултати во споредба со другите индекси. Од почетокот на оваа година се зголеми за околу 4,6 проценти. Солидно се покажаа и потрошувачките производи како Walmart. Меѓутоа, ова беше нестабилна година поради забавувањето на глобалната побарувачка, бидејќи „тешкиот“ Dow беше негативно погоден од стравувањата за тарифите и повисоките инфлациски очекувања. И покрај нестабилноста, Dow постигна рекордно ниво во јануари.

S&P 500 во 2025: рекордно високи нивоа

Поширокиот S&P 500 имаше посилна година и е зголемен за околу осум проценти. Акциите за раст во технологијата и комуникациите ги предводеа придобивките, а полупроводничките фирми како што се NVIDIA и Broadcom се издвоија, капитализирајќи од тековниот бум на вештачката интелигенција.

Акциите од здравствениот сектор, како што се Eli Lily и Novo Nordisk, исто така се зголемија, благодарение на потенцијалот на лековите за слабеење. Другите акции поврзани со услужниот сектор, како што се Netflix и Meta, продолжуваат да растат. Но, енергијата има слаби резултати, поради падот на цените на нафтата. И покрај извесната претпазливост во врска со трговијата, S&P 500 достигна единаесет нови највисоки нивоа од почетокот на годинава, вклучително и во јули. 

NASDAQ во 2025 година: повеќе рекордни нивоа

Nasdaq порасна за 10 проценти од почетокот на 2025 година. Индексот продолжува да се подига воден од ентузијазмот за вештачка интелигенција и информатика во „облак“. Компаниите како NVIDIA, Microsoft, Google и Meta ги зголемија добивките во услови на очекуван понатамошен раст на приходите од ВИ. Дури и компаниите за чипови, како што се Intel и AMD, се покажаа добро. Фактот дека котираните акции на Nasdaq во голема мера се базирани на услуги, обезбеди одредена изолација за овие акции од тарифните закани кои им влијаат на тргуваните стоки.

Сезона на заработка

Сезоната на заработка од вториот квартал започна во средината на месецот (на 14 јули) кога резултатите од полугодишното работење ги објавија големите инвестициски банки како што се JPMorgan и Goldman Sachs. Досега сезоната беше охрабрувачка, при што 78,7 проценти од компаниите ги надминаа очекувањата за заработка.

Реакции на пазарот и очекувања

Иако резултатите од заработката се сметаат за главни двигатели на цените, тешко е да се измери пошироката реакција на пазарот врз подобрите резултати на заработката, поради конкурентните ценовни фактори. Но, од најголемите компании кои ги објавија полугодишните резултати, акциите на Netflix и тајванскиот Taiwan Semiconductor, објавија подобри резултати, а Netflix забележа скок на цената на акциите од осум проценти уште следниот ден.

Од почетокот на сезоната на заработка, S&P 500 порасна за над два процента, додека Nasdaq се искачи за над три проценти, а Dow заостана, зголемувајќи се за нешто повеќе од 0,5 отсто.

Меѓу најголемите компании коишто досега ги објавија резултатите се Tesla, која лесно ги надмина проценките за заработката, но не ги исполни очекувањата за приходите, и Google, кој ги надмина очекувањата за заработката и приходите. Пазарите сега влегуваат во најпрометниот дел на заработка од сезоната, очекувајќи го објавувањето на резултатите од Microsoft, Apple и Amazon - компании кои имаат одличен рекорд за надминување на очекувањата.

Американската берза оваа година беше водена од технолошките акции, што е тренд во последниве години. Досега заработката во вториот квартал даде повеќе докази дека американските компании остануваат отпорни, и покрај заканата од инфлација и потенцијални царини. Засега, пазарниот сентимент е „работа без промени“ и се чини дека позитивноста ќе продолжи.