Сет Годин има објавено 22 бестселери и е познат како креативен бизнис мислител и филозоф. Според овој автор Бизнисот е само тактика, а културата трае, додека чудото е избор.

Сет Годин, познат кај својата публика како креативен бизнис мислител и креативен филозоф, објавил 22 книги, бестселери (како што пишуваат критичарите), кои биле преведени на 39 јазици. Во последниве години, продавачите на книги забележуваат растечки интерес за идеите и текстовите на Годин.

Неговиот блог е еден од најчитаните бизнис блогови и е широко цитиран. Доколку сте заинтересирани за малку поинаков пристап кон бизнисот, менаџментот, соработката или маркетингот, текстовите на Годин ќе го задоволат вашиот апетит.

На пример, во еден од последните блогови, Годин пишува за суштината на индустријализмот.

Може да биде било која боја, само да е црна

Суштината на индустријализмот

Ефикасност + Практичност.

Не е сè индустријализирано. Градинарски зеленчук од дворот, хонорарен уредник на текстови, дури и готвач кој лично подготвува храна во ресторан. Овие луѓе создаваат пракса и вредност, но не ја прифатиле индустријализацијата.

Тоа се случува кога менаџментот презема контрола, го стандардизира производот, воведува рутини и ги оптимизира процесите.

Индустријализацијата носи огромни придобивки во продуктивноста, но е исто така кревка и одзема дел од човечноста при самата работа.

Ефикасноста е на прво место

И потоа, практичност. Практичност за лесна замена на делови или работници. Практичност во соработка со добавувачи и купувачи. Може да биде било која боја, само да е црна.

Индустријализмот носи свои награди, но по цена на флексибилност и несакани ефекти.

Легенди на фантазијата

Во неодамнешно интервју за Big Think, Сет Годин со „светлосен меч“ го пресече краткорочното размислување и изнесе аргументи за поотпорен, долгорочен пристап кон работата, животот и вложувањата. Инспириран од легендите на научната фантастика како Асимов и Бредбери, потсетува дека успехот не е вкоренет во бркањето раст и метрики, туку во градењето култури и системи на верување кои траат и растат со текот на времето.

„Бизнисот е само тактика, а единственото нешто што опстојува е културата“, рече Годин.

„Еве што научив од научната фантастика, од Асимов, Артур Кларк и Реј Бредбери:

-Културата, како верување и систем на вредности, опстојува. Бизнисот е само тактика. Ако сакате нешто да трае, не треба само да создадете компанија. Создавате заедница од луѓе кои сакаат тоа да трае. Погледнете ги работите што преживеале стотици или илјадници години. Многу од нив имаат систем на верувања во нивната суштина.

Религијата трае - традициите опстојуваат.

И, ако сте спремни да се откажете од бизнисот, но да го задржите системот на верување, ќе создадете нешто што ќе трае. Затоа го објавив altMBA, на пример, тоа беше една од основните работи во онлајн учењето. Но, само го објавив, а тие го имитираа на различни начини. Тоа ме воодушевува, затоа што повеќе не морам да го водам, а идејата продолжува да живее. Значи, ако размислувате за долговечноста во однос на термините за  изобилство, а не за недостиг, бројот на значајни работи што можете да ги создадете е неверојатен.“

Чудото е избор

Годин често го споредува бизнисот и реалниот живот со научна фантастика. Причината е главно, како што самиот вели, инспирацијата што ја добил од најголемите дела од научната фантастика. Па така, неодамна напиша интересен краток текст за чудата.

„Живееме во универзум на научна фантастика“

Доза пеницилин од 20 долари била непроценлива пред еден век.

Петте центи што ги трошиме за осветлување на нашиот дом, само пред неколку генерации би барале еден час работа.

Можноста да притиснеме копче и да разговараме со било кој, преку видео повик, било каде на планетата – до пред извесно време за тоа дури и не се зборуваше, а денес е практично бесплатно.

„Во споредба со што?“ е моќно прашање. Споредувањето на денешните чуда со она што го очекувале нашите родители може да ни помогне да добиеме контекст и да избегнеме рамнодушност.

Лесно е да се стане зависен од чудото на сегашниот момент и да се замисли дека следниот мора да биде уште поневеројатен. И во исто време, можеме да се соочиме со реалните проблеми што ги имаат луѓето и да заклучиме дека ниедно чудо не е доволно.

Но, чудото е избор. И можеме да го најдеме ако го бараме“.

Стапица на тактики.

Бизнис и стапица на тактики

Имате стратегија. Можеби дури и не сте ја избрале, но ја имате... и не функционира.

Главното прашање е:Што треба да правам сега?“

Која тактика треба да ја користиме? Како да ја рашириме веста? Како да ја затвориме оваа продажба, да го решиме проблемот и да постигнеме успех?

Можеби треба да погледнеме што направиле другите и да ги усвоиме нивните тактики.

Проблемот е едноставен: немате проблем со тактиката - имате проблем со стратегијата.

Позајмувањето тактики од некој што има добра стратегија нема да ви помогне, бидејќи неговата стратегија е таа што функционира, а не нужно нивната тактика.

И користењето на тактиките на некој што имал среќа, исто така, нема да помогне. Некој мора да има среќа, а тоа беа тие. Нивната среќа, а не тактиката, го донесе резултатот. Одењето во иста банка со звезда (Шарлиз Терон) нема да те направи филмска ѕвезда. Кога се сомневате, фокусирајте се на својата стратегија. Тактиката или методот ќе дојде сам.