Пазарот на Европската Унија со почетокот на овој летен месец воведува нови енергетски ознаки за електричните апарати во домаќинството. Од денес важат новите ознаки и како што објаснува експертот за техничко законодавство на ЕУ и усогласеност на производите, Мирко Ѓапиќ, новите ознаки  се класифицирани во категории од  А до G. Ознаките за некои производи  ќе значат двојно поголема потрошувачка на електрична енергија, пренесува РТС. Мирко Ѓапиќ наведува дека ова е втора ревизија на енергетските производи и дека ознаките A+, A++ и A+++ се укинуваат.

„Енергетските класи ќе бидат од А до G, или од енергетски најефикасни до најмалку ефикасни. Новите енергетски ознаки ќе имаат и QR код што ќе се користи за пристап до базата на податоци за тој производ“, објаснува Ѓапиќ. Користејќи го примерот на машина за перење со спротивни ознаки, Ѓапиќ наведува колкава може да биде разликата во потрошувачката на електрична енергија. „Ако земеме една машина за перење, класата А би трошела околу 53 киловат-часови, додека класата G би трошела 113. Тоа е повеќе од двојно“, објасни Ѓакиќ.

Експерт за техничко законодавство на Европската Унија и усогласеност на производите наведува дека производи со стари и нови етикети ќе има на пазарот уште некое време.

„Законодавецот ја дефинирал и оваа можност. За машините што се на пазарот, но не се продадени и ги користат старите етикети, законодавецот ќе даде одреден временски период во кој е дозволена примена на двете регулативи“.

Планот на Европската Унија, како што образложува Ѓапиќ,  е сите производи поврзани со енергија да бидат опфатени со етикети до 2030 година. Законодавството на ЕУ, исто така, предвидува синхронизација на енергетското означување и еко-дизајнот. „Не зборуваме само за енергетската ефикасност на уредите, туку и за ефикасноста на материјалите од кои се направени тие уреди. Етикетите, кои ќе бидат достапни за околу пет до десет години, покрај потрошувачката на енергија, ќе прикажуваат и цела низа еколошки параметри. Тие ќе даваат информации за трајноста на производот и леснотијата на одржување“, најави Ѓапиќ.