Фотоволтаичната електрана во РЕК Осломеј, пионер во иновациите во Македонија, е пораката од ЕБРД, кој што ја нотира успешната реализација на соларната електрана Осломеј, информираат од ЕСМ. Од АД ЕСМ уштееднаш потсетуваат дека тие заедно со Владата на Република Северна Македонија остануваат цврсто решени на имплементацијата на т.н. зелено сценарио во енергетскиот сектор во земјата и зголемување на бројот на производствени капацитети на електрична енергија од обновливи извори.
Фотоволтаичната електрана во РЕК Осломеј, пионер во иновациите во Македонија, е пораката од ЕБРД
Напорите на компанијата се препознаени од сите релевантни меѓународни институции, вклучени во реализацијата на проектите зацртани во Стратегијата за развој на енергетскиот сектор до 2040 година.
ЕБРД ја нотира успешната реализација на соларната електрана Осломеј
Европската банка за обнова и развој на својот Твитер профил објави кратко видео од фотоволтаичната електрана во РЕК Осломеј со порака дека овој реномиран партнер на огромен број македонски компании е горд што е пионер во иновациите во Македонија, инфомираат од АД Електрани на Македонија – ЕСМ.
– Горди сме што сме пионери во зелените иновации во Република Македонија, каде првата соларна електрана во земјата ја заменува исцрпената термоелектрана во Осломеј, стои во пораката на Твитер профилот на Европската банка за обнова и развој која учествуваше во изградбата на фотонапонската централа во Осломеј со 5,9 милиони евра, а АД ЕСМ во оваа инсталација вложи еден милион евра сопствени средства.
АД ЕСМ, исто така, најавува дека се подготвува за нова инвестиција од по најмалку 40 MW до најмногу 50 MW, во кругот на РЕК Осломеј, на локацијата на исцрпениот рудник за јаглен, во близина на првата фотоволтаична електрана од 10 MW. И оваа инсталација ќе биде по принципот на јавно-приватно партнерство, при што АД ЕСМ ќе биде јавниот партнер.
– Во соработка со Европската банка за обнова и развој, АД ЕСМ ќе инвестира во изградба и на фотонапонски електрани во Битола. Првата ќе биде со инсталирана моќност од 20 MW, со просечно годишно производство од 32 GWh. ФЕ Битола 2 ќе биде со инсталирана моќност од 40 MW, со годишно производство од 70 GWh и проценета вредност од 30 милиони евра, за коишто капацитети веќе се направени пресметки за идно производство, одредено е земјиштето и завршени се студиите за приклучок. Проектот ФЕ Битола 3, пак, е со инсталирана моќност од 100 MW, со годишно производство од 170 GWh, и проценета вредност од 70 милиони евра, се вели во соопштението од АД ЕСМ.
Од АД ЕСМ, информираат дека во изминатите три години постојано работат на проекти за зголемувањето на учеството на обновливите извори на енергија во вкупното производство на електрична енергија во Република Македонија, како и дека заедно со Владата на Република Македонија остануваат цврсто решени на имплементацијата на т.н. зеленото сценарио во енергетскито сектор во земјата и зголемување на бројот на производствени капацитети на електрична енергија од обновливи извори.
