Инвестиција од 20 милиони евра за здравствен туризам во Црна Гора

Британскиот инвеститор Sanjeev Kumar  вложува во ланец на клиники и велнес центри во Црна Гора.

Британскиот инвеститор Sanjeev Kumar  има намера Црна Гора да биде здравствен центар, каде ќе се лекуваат луѓе од регионот и пошироко. Тој својот бизнис со синџир здравствени установи од Лондон, го проширува во Црна Гора. Планира да инвестира 20 милиони евра на долг рок и да вработи 2.000 луѓе од домашниот персонал, чие усовршување ќе се спроведува на неговите клиники ширум светот. Дополнително, планирани се инвестиции во синџирот на велнес центри бидејќи според него Црна Гора има погодна клима, рељеф, чист воздух за здравствена заштита, пренесува Побједа.

Почнуваат до крајот на годината

Како што пренесува овој дневен медиум, на Црна Гора и се потребни инвестиции во здравството, а бидејќи туризмот е водечка индустрија со отворање на здравствениот туризам, сезоната ќе трае 12 месеци, а не како досега два до три месеци.

- Здравствениот туризам во Црна Гора има многу потенцијал - вели Кумар, додавајќи дека нивниот бизнис ќе започне со купување на некои приватни црногорски клиники.  А, до крајот на годинава ќе започне со работа.

- Ќе ги купиме веќе постоечките приватни клиники, бидејќи преземањето е многу полесно отколку да се градат нови поради административната и законската регулатива и потоа ќе работат под наш бренд. Ќе ги задржиме луѓето во тие клиники, ќе се реорганизираме и ќе вработиме нови. Веќе сме во преговори со клиника која е распространета низ цела Црна Гора. Не сме имале контакт со црногорската влада, но секако планираме. Мислам дека ова е голем проект за Црна Гора - рече Кумар и додаде дека сакаат да ја покажат намерата на Владата дека сакаат да инвестираат и дека ова не е празна приказна.

А зошто решил да го прошири својот бизнис кој 20 години го развива во Велика Британија и другите земји во светот, токму овде, вели дека е многу комплицирано и деликатно прашање, иако признава дека има и други интересни дестинации каде постои можност за таква инвестиција.

Покрај здравствената заштита и лекувањето, Кумар истакна дека Црна Гора може да биде велнес центар (центар) за цела Европа поради природата, различноста и сè.

- Здравствената заштита и  грижата се многу важни во светот, особено по пандемијата на корона вирусот. Можеш да имаш колку сакаш автомобили, станови, пари... но на крајот се сѐ сведува на луѓето. На луѓето треба да им продадеш се што имаш, а тие пред се да се грижат за своето здравје за да можат да живеат и работат и да заработат, а на крајот да купуваат други видови производи. Значи, здравствената заштита во моментов е најважниот и најпрофитабилен можен бизнис во светот - тврди Кумар.

Тој нагласува дека има бројни бизниси во Лондон. Тој е сопственик на група компании кои инвестираат меѓусебно и различни видови бизниси, почнувајќи од здравство, земјоделство, берза итн. Сепак, неговиот главен бизнис е синџир клиники кои се споени во група под брендот Health Care. Овие клиники работат и обезбедуваат различни здравствени и велнес услуги.

Тоа се болници, дијагностика, кардиологија, хирургија… и досега, освен во Британија, бизнисот го проширил и во Азија, Канада, Северна Африка, Индонезија…

- Во Европа, освен во Британија, имам намера да го проширам бизнисот само во Црна Гора, која треба да биде центар за овој дел од Европа. Затоа што само Црна Гора е мал пазар. Во многу земји каде што работиме, имаме договори со јавни здравствени установи. Кога тие не се во можност да им пружат услуги на пациентите, ние ги преземаме. Сите земји сакаат да го растовараат јавното здравство, бидејќи најголем дел од парите од буџетот одат за администрацијата, а не за лекување на пациентите. Потоа преземаме дел од работата според договорот што го потпишувме - вели Кумар, додавајќи дека негова цел е истото да го направи и овде.

Велнес профит

Тој вели дека нивната цел е да и служат на заедницата, а не да профитираат. Планираат да остварат профит со велнес што исто така имаат намера да го остварат и каде ќе доаѓаат гости од цела Европа.

- Важно ни е да останеме овде уште долго, бидејќи не планираме да го отвораме и продаваме, туку да работиме трајно, за заедницата да има корист од се што работиме. Дополнително, ќе понудиме висококвалитетна здравствена услуга и нега. Сакаме да вработуваме луѓе и да работиме со почитување на државата на секој начин – тврди Кумар.

Нивната намера е да соработуваат со Министерството за здравство и јавните здравствени установи како што тоа го прават во другите земји во светот.

- Имаме современи апарати за дијагностика, така што црногорскиот здравствен систем не мора да ги купува и обновува, може да ги користи. Вршиме и секаков вид хируршки интервенции, а третманот се базира на спој на модерна и традиционална медицина. Бараме да помогнеме на најдобар начин во лекувањето – изјави Кумар.

На почетокот, посочува, ќе ги донесе своите шест до седум стручњаци кои првично тука ќе водат тим од 100 луѓе.

- Сакаме да ангажираме луѓе од Црна Гора, кои ќе се координираат со тој тим од седум луѓе. Да ги тренираме и подготвиме, бидејќи не е во наш интерес да ги задржиме нашите луѓе овде. Тие дополнително ќе се консултираат за акција и развој - објаснува Кумар.

Тој е зашпознаен со лошата состојба во црногорското јавно здравство и вели дека тоа е случај речиси во целиот свет.

- Здравствените услуги се многу скапи и тешко е секоја земја да ги одржува преку даноци и буџет. Сметаме дека можеме да склучиме договори со државите и пациентите во регионот за да ги натераме луѓето да доаѓаат овде. Имаме многу пациенти кои доаѓаат во Англија од овој регион на нашите клиники, а за тоа се потребни визи, високи патни трошоци, сместување, така што 30 отсто од нив сигурно би се лекувале во Црна Гора и би ја добиле истата услуга - вели Кумар.

Според него, на Црна Гора и требаат пошироки инвестиции, не само во туризмот, туку и во други делови од здравството, бидејќи смета дека тоа би ја подобрило економијата во однос на различна структура на гости, а тоа е бизнис кој трае 12 месеци.

-Би инвестирале во младите луѓе обучувајќи ги бидејќи го имаме Институтот за медицински технички кадар. На нашите клиники ќе се обучува црногорскиот и кадарот од регионот - објаснува Кумар.

Тој вели дека во Европа има дефицит со здравствен персонал, а имаат намера да вработат и многу луѓе во велнес центрите што ќе се отворат низ цела Црна Гора.

- На долг рок имаме намера да инвестираме од 15 до 20 милиони во овој бизнис во Црна Гора - тврди Кумар.

Дополнително, нивниот ланец на велнес центри „ Harley street “, кој го имаат ширум светот, би го направил овде и би инвестирал повеќе од 30 милиони.

- Младите овде што завршуваат медицинско училиште повеќе нема да мора да одат во странство во потрага по повеќе пари. Ќе ги подобриме и вработиме и така ќе останат во својата матична земја - тврди Кумар.

Преку нивниот институт и тренинг центар планираат да соработуваат со Медицинскиот факултет и средните уќилишта.

Цените на услугите, како што тврди Кумар, ќе бидат прилагодени на оваа област.

- Стандардите и цените на живеење овде и во Британија, каде стандардот е многу повисок, не може да се споредуваат. Како резултат на тоа, услугите во здравствениот систем се поголеми. Овде е поинаку. Понизок стандард, но ќе ги таргетираме сите странски претставништва, амбасади, фирми со кои ќе соработуваме како и осигурителни компании кои ќе им овозможат на црногорските граѓани да ги користат услугите во овие клиники преку тоа приватно здравствено осигурување. Сигурно ќе има пристапни цени и за Црна Гора и за регионот - тврди Кумар и додава дека велнес центрите можат да бидат профитабилен бизнис кој поради различноста на теренот, чистиот воздух и вода можат да бидат привлечни за многу туристи ширум светот.

Мобилни поликлиники

Како што нагласи Кумар, тоа ќе вклучува и палијативна нега. Тој истакна дека тоа не е случај кај нас, а ќе вклучува и следење на старите лица со мобилна амбуланта со стручно обучен персонал. Ќе посетуваат стари луѓе на кои често им е потребна контрола.

- Тоа веќе го правиме во другите делови на светот и веруваме дека треба да го правиме и овде. Во Лондон така посетуваат 1.500 луѓе - вели Кумар.