Во последните години се навикнавме на глетката на курирски автомобили, мотори, велосипеди, кои носат пакети до вратите на клиентите, а според консултантската куќа „McKinsey & Company“, растот на е-трговијата од пандемијата на коронавирус“, направи огромен притисок врз функционирањето на системот за испорака, но и врз сообраќајот и квалитетот на воздухот“.

„Мекинзи“ процени дека повеќе од 100 милијарди пакети биле испратени ширум светот во 2020 година, бројка што би можела да се удвои до 2030 година, со испорака која бара се повеќе и повеќе километри – која во најмала рака се повеќе влијае на сообраќајниот метеж и загадувањето.

Задолжените за иновации во логистиката за испорака се соочуваат со сите овие предизвици и се обидуваат да го менуваат начинот на кој ги примаме пакетите. Меѓу нив се издвојуваат пет решенија.

Роботи за испорака

Бројот на роботи за испорака постојано се зголемува и ги користат големи компании. Од почетокот на пандемијата на коронавирус, побарувачката за сервисни роботи постојано е во пораст, а продажбата ширум светот се зголеми за 37 проценти во 2021 година, велат од Меѓународната федерација за роботика.

Во Лидс, Велика Британија, роботи со големина на мали кутии се движат по тротоарот за да доставуваат намирници. Во партнерство со малопродажниот ланец Co-op, Starship Technologies ги испраќа своите роботи на батерии до вратите на клиентите за да доставуваат храна и пакети - сето тоа контролирано преку апликација.

Во Хонгконг, Rice Robotics, стартап основан во 2019 година, разви роботи за испорака кои се остварливи за употреба во многу индустрии, вклучително и здравството и угостителството.

Електрични возила за испорака

Според извештајот на Светскиот економски форум за 2020 година, емисиите од сообраќајот за испорака до дома ќе се зголемат за 32 отсто до 2030 година. Гигантот за испорака Амазон го коосноваше The Climate Pledge во 2019 година, ветувајќи дека ќе постигне нето нула емисии на јаглерод до 2040 година.

Во Европа, компанијата планира да потроши 972 милиони долари на електрични возила, зголемувајќи ја својата флота на електрични комбиња за испорака на 10.000 до 2025 година. Во САД, Амазон планира да има 100.000 електрични возила за испорака на патиштата до 2030 година, во партнерство со производителот на електрични возила Rivian.

Во меѓувреме, во Индија, рикши со три тркала добиваат електричен мотор благодарение на компанијата „Алтигрин“, додека естонскиот „Vok“ нуди електричен карго велосипед со четири тркала моментално достапен во неколку градови, вклучувајќи ги Лондон, Стокхолм и Копенхаген.

Паметни шкафчиња за пакети

Наместо директно доставување до вашиот праг, некои компании користат паметни шкафчиња за пакети. Белгискиот стартап „Bringme“ ги изгради своите први шкафчиња во станбениот комплекс Balk van Bel во Лувен, Белгија, во 2012 година.

Шкафовите им овозможуваат на куририте значително да го намалат бројот на повторени испораки на слични или исти локации - намалувајќи ги емисиите на CO2 што е ефикасно и одржливо решение за системот за испорака.

Покрај тоа што се еколошки прифатлива алтернатива за достава до дома, паметните шкафчиња за пакети делуваат и како безбедно складиште кога купувачите не можат веднаш да добијат пакет.

Кога корисниците на Bringme се подготвени да го преземат својот пакет, тие добиваат QR код преку нивната апликација. Корисниците потоа го држат кодот на скенерот и го земаат својот пакет од отклучената преграда.

Паметните плакарчиња, исто така, може да се приспособат за специфични потреби - кои можат да ги приспособат температурите за складирање на ладна храна или испорака на топла храна.

Самоодржливи (автономни) возила

Поголеми од роботите за испорака, со многу повеќе товарен простор, самоуправувачките возила би можеле да играат важна улога во домашните испораки во наредните години.

Минатата година, Uber Eats потпиша договор со Nura, почнувајќи со тестирање на единиците за испорака без возач во Маунтин Вју во Калифорнија и Хјустон во Тексас.

Nurа во 2019 година го основале двајца поранешни главни инженери за програмата на Google за самоуправување, а во неговото истоимено возило од трета генерација може да собере речиси 250 килограми намирници. Тоа користи енергија исклучиво од батерии и ја добива од фармите на ветер во Тексас, велат од компанијата.

Беспилотни летала за испорака (дронови)

Додека Amazon Prime Air се бори да добие целосно регулаторно одобрение во САД, други служби за испорака веќе користат беспилотни летала. Од почетокот на 2022 година, повеќе од 2.000 комерцијални испораки со беспилотни летала се случуваа секој ден ширум светот, тврдат од консултантската куќа McKinsey, и тој број оттогаш само расне.

Во Руанда, Централна Африка, американскиот стартап Zipline доставува стоки со дронови во здравствениот сектор од 2016 година. Во меѓувреме, во Ирска, Manna Aero испорачува сè, од намирници до нарачки од малите бизниси кои се занимаваат со широк спектар на стоки, извршувајќи над 100.000 испораки со дронови низ целиот свет.

Студијата на Универзитетот Карнеги Мелон покажа дека од многуте методи за испорака до врата, многу малите квадрокоптерски дронови (на второто место по електричните велосипеди) се меѓу најефикасните во однос на потрошувачката на енергија и емисијата на CO2 - користејќи до 94 проценти помалку енергија по пакет.