Со Маја Цветковиќ од популарниот белградски состав „E-Play“ разговаравме за нејзиното учество на Арсенал фестивал, како PR и изведувач, соработката со Бајага во „Хотел Југославија“, како и за тоа што најмногу и се допаѓа од македонската музичка сцена…
Кога почнаа да пристигнуваат мејлови со твој потпис во име на Арсенал фест, првото нешто што ми падна на памет беше: од каде ти таму?
– Долги години сум во тимот на фестивалот „Асренал“ и тоа е убава приказна која еволуираше од мал фестивал, во сериозен фестивал во регионот. Инаку, јас се занимавам со промоција на разни фестивали и концерти и оттаму дојде врската. На локацијата на тој фестивал „Е-play“ сними и спот за песната „Диван дан“ – па врската е уште поголема.
Овој пат имате две функции во Арсенал – ПР и изведувач, бидејќи меѓу учесниците е името на „Е-Play“. Каде е поголема одговорноста овој пат?
– За мене „E-Play“ е најважното нешто што го правам и уживам, но и работата поврзана со фестивалот “Арсенал“ ја сфаќам доста сериозно. Така што двете работи ги носам со голема одговорност. Кога фестивалот е во тек, се случува голем стрес, бидејќи секогаш има некои непредвидени ситуации кои се решаваат во моментот.
„E-Play“ одржа многу убави концерти на Гарден сцената на Арсенал, а оваа година ќе се видиме на 30 јуни.
Зошто некој од Македонија треба да дојде во „Арсенал“ годинава? Ќе има ли учесници од Македонија?
– „Арсенал“ фестивал е првенствено фестивал со добра атмосфера, одлични домаќини низ градот, одлични бендови и многу интересна локација. Ова е фестивал на три сцени, без прашина и со многу гитари. Не треба да се заборави и неговата диџеј сцена, каде „Арсенал“ годинава ќе биде домаќин на Рони Сајз, на што сме особено горди. Имаме посетители од различни делови на светот и најважниот билет е секогаш одличната музика (оваа година: Placebo, Thievery Corporation, Gogol Bordello…) така што верувам дека ова, заедно со кампот, е доволна информација што може да привлече некој од Македонија.
Да се вратиме на музиката – што прави моментално „E-Play“? Кои се плановите?
– „E-Play“ моментално ги организира своите претстојни концерти. Ќе свириме многу концерти. Првото нешто што следи е 28 април, Нови Сад, а потоа 30 април. Ужице, а потоа почнуваат фестивалите. Само што завршивме телевизиски настап во Живо на РТС за емисијата БУНТ – наскоро ќе можете да ја гледате на ТВ. Работиме полека на нови песни. Од РТС добивме награда за песна на годината „Хотел Југославија“.
Како е, како жена лидер, да водиш бенд на Балканот и да се занимаваш со бизнис кој најмногу му е предодреденза посилниот пол?
– Во тоа ваше прашање единствениот проблем го гледам во ова „на Балканот (Србија)“. Не е лесно да се работи оваа работа во Србија, но кој ја сака музиката и кој е посветен на неа, тогаш работи и работи, без разлика на околностите, а кој е посилниот пол, а кој не – не би зборувал за тоа. Смеа ?
Заедничката песна што ја снимивте со Бајага – „Хотел Југославија“ – беше многу популарна во Македонија. Бевте изненадени од нејзиниот успех?
– Ништо не ме изненади. Бајага е одличен автор и соработката со него беше многу лесна и квалитетна, па ни беше голема чест заедно со него и со Саша Локнер да се најдеме во стиудио. Тие се одлични момци кои сè уште ја сакаат музиката и живеат за неа – тоа е убаво да се види. И песната испадна многу убава, па тоа е нешто убаво што ќе остане во нашата биографија.
Дали ги следите случувањата на регионалната сцена и што ви “останало во увоото“, а доаѓа од Македонија?
– Следам многу работи, а во Србија често доаѓаат Македонците „Фанк Шуи“ – па успеав да се сетам на нив…
Иван Беќковиќ
