Македонија добива 161 милион евра од ММФ. Имено,- Меѓународнит монетарен фонд ѝ додели околу 133 милиони нови специјални права на влечење (СПВ). Токму преку овие права ни се ставаат на располагање на нашата земја околу 161 милион евра. Тие ќе бидат вклучени во официјалните девизните резерви, информираат од Народната банка (НБ).

Македонија добива 161 милион евра од ММФ

Како што информираат од НБ овој износ, ни е доделен во рамките на новата општа распределба на СПВ на ММФ и соодветствува со нашата квота во ММФ.

-ММФ распредели вкупно 455 милијарди СПВ (околу 551 милијарда евра) на 190 земји членки. Ова е најголемата распределба на СПВ во историјата, или двојно повисока од сите досегашни распределби заедно. Последната општа распределба на СПВ беше во 2009 година. Тогаш беа распределени 161,2 милијарди СПВ на земјите членки, истакнуваат од НБ.

Според нив, овој пат целта на општата распределба на СПВ е со нив да се обезбеди непречен пристап до девизна ликвидност за земјите во време на најголемата здравствена и економска криза со која се соочува светот во изминатите децении.

-Придобивките за земјите се повеќекратни: со нив се обезбедува брзо достапна и безусловна девизна ликвидност со која се зголемуваат девизните резерви. Односно се зголемува девизниот потенцијал на економијата, што го јакне потенцијалот на економиите за справување со кризата, велат од НБ.

СПВ се резервни средства креирани од ММФ кои земјите членки можат да ги чуваат како дел од своите официјални резерви или, пак, да ги искористат за   плаќање долгови и камати, за идно зголемување на квотата во ММФ или за други буџетски потреби.

-Доколку ги чуваат како дел од своите официјални резерви, земјите немаат никаков трошок. Доколку се претворат во друга валута за да се искористат за други цели, тогаш трошоците за земјата се исклучително ниски (тековно каматна стапка на користење на СПВ изнесува 0,05 отсто), прецизираат од Народна банка.

Специјалните права на влечење се нефизичко средство за плаќање на фондот

Од распределените средства, 275 милијарди се за земјите во развој, од кои 25 милијарди за членките на Заедницата на независни држави (ЗНД) и Грузија. Русија доби околу 17,5 милијарди долари.

Специјалните права на влечење (СПВ) се нефизичко средство за плаќање на фондот. Девизниот курс на СПВ се одредува дневно врз основа на девизниот курс на доларот, еврото, јенот, фунтата и јуанот.

Сега се во оптек 204 милијарди СПВ, што е еквивалентно на 290 милијарди долари. Вкупниот број на СПВ ќе достигне 660 милијарди. ММФ последен пат го објави СПВ во 2009 година, по глобалната финансиска криза.

Уделот на земјите во распределбата на СПВ одговара на квотите во ММФ – акции во капиталот на фондот. На пример, во САД тоа е 17,4 отсто, во Русија – 2,71 отсто.

Големината на акциите се пресметува според формула која го зема предвид БДП на земјите, платниот биланс и меѓународните резерви.