Маркетингот се занимава со препознавање на добри идеи и ставање во функција. При пишување на содржина, потребно е да се избегнува технички стил на изразување. За таа цел, неопходно е да се внесе емоција и информација кои навистина би била интересна за следбениците. На овој принцип од 2005 година работи Виолета Јончевска која е маркетинг специјалист и има долгогодишно искуство во маркетинг и агенции за односи со јавност, а била дел и од тим на поголеми корпорации. 

Со искуство и во бизнис секторот и во неприфитните организации, од денешен аспект таа смета дека во маркетинг сферата речиси веќе и да нема ништо оригинално. Сите идеи веќе постојат, само треба да се рециклираат во функција на работните задачи и да се адаптираат на работната средина.

„Пред три години бев дел од прект за развој на алтернативниот туризам. Имавме мрежа на членки од туристички агенции, хотели ресторани, туристички водичи. Бев одговорна за визибилноста на проектот. На социјалните мрежи одеше многу добро. Ни праќаа фотографии, но, на почеток на јуни месец метртиките покажуваа многу лоши резултати. Се покажа дека луѓето немаат интерес за нашата фејсбук страница. Со креативниот тим размислувавме како тоа да го спасиме и да го зголемиме бројот на потрошувачи. смисливме наградба игра - ручек, спиење во пансион, да ги разбудиме потрошувачите. ги поканивме следбениците на социјалните мрежи да учествуваат во наградната игра.  Баравме да ни испратат фотографии од карактеристики на тие два региони. Во помалку од 10 дена добивме 1 500 нови следачи. Кампањски многу добро поминавме. Само искористивме идеја што веќе постои“, вели Јончевска.

Како што вели Јончевска, маркетинг инка низ е маркетиншки концепт низ кој треба да помине секој ваш следбеник. А тоа се  свест, интеракција, акција и лојалност. Објаснува дека комуникациската стратегија  е маркетинг пристап кој се презема за да се остварат  целите и се моделира во согласност со целната група и пораката која треба да се испрати. 

Како што посочува, постојат неколку вида застапени во непрофитните организации. Прва, споделување содржини со лица кои сакаат да ги следат вашите содржини. Потоа споделување публикации, различни теми и истражувања и користење на настани од различна природа со цел реализација на проектите и работата. 

„Тука е и маркетингот заснован на врски, односно маркетинг од инфлуенсери во заеднцата, кои значат нешто во секторот во кој работите. Тој маркетинг треба да го води менаџментот на организацијата. На крај, имаме и директно лобирање и споделување на вашата работа со поединци. Него го водат вработените во органзиацијата. Сумирано,  брендот во бизнис секторот има за цел да ги продава производите и услугите. А во непрофитните организации да споделува вредности. Кога зборуваме за бренд, не зборуваме за лого и ознака, но брендот мора да биде олицитворение на работата на вашата организација. Во големите корпорации има луѓе кои се бават со маркетинг на организацијата. Тука управувањето со бреднот е сечија работа. Вработените се бренд амбасадори и треба да ги споделуваат вредносите на организацијата“, посочува Јончевска.  

Три елементи на брендот 

Без разлика дали станува збор за бизнис секторот или непрофитните организации, три елементи на брендост вклучуваат интегритет, демократија и афинитети. 

- Имањето јасен идентитет на брендот и дава можност на органзиацијата да одговори на прашњето зошто е таа важна и по што се разликува од останатите. Интегритетот на брендот го зацврстува и брендот со мисијата и целокупниот имиџ.

 - Демократија на брендот - покажува колку вработените се спремни да ги споделат вредностите на организацијата. 

- Афинитет на брендот - пристап кон управувањето со брендот чиј фокус е општественото влијание, наместо индивидуалните организациски цели.