Epson, технолошка компанија зад која е историја од над 80 години, опстојува на глобалната бизнис мапа бидејќи ги следи светските деловни трендови, а нивните стручњаци ги истражувале оние кои ќе ја обликуваат работната средина во 2030 година.

Трендовите што ги забележале не само што ќе се искористат за да се подготват за промени, туку ќе бидат достапни за целата деловна заедница за да можат и другите да изградат деловен екосистем во следните десет години.

Автоматизација

Првиот тренд што го забележуваат е автоматизацијата. Почнувајќи од физичка автоматизација со SCARA роботи за производство и монтажа, до виртуелна автоматизација со софтверски роботи за управување со повторливи канцелариски задачи. Сè што може да се автоматизира ќе биде автоматизирано. Од индустриска перспектива, тоа најмногу ќе се види во технологијата како што е дистрибуцијата на производи, додека бројот на административниот персонал ќе се намали. Фактурирањето, обуката и персоналот на рецепција ќе се управуваат со автоматизирани роботски процеси, како и со вештачка интелигенција (AI).

 Соработка

 Ослободени од исцрпувачки мануелни процеси и задачи кои одземаат многу време, луѓето ќе имаат време за идеи - најважното нешто во иднина. Единствениот начин да се канализира сето тоа во вистинска иновација е преку соработка и споделување. Сè што доби на интензитет во пандемијата ќе продолжи да се развива преку нови начини на поврзување и споделување надвор од границите на самата канцеларија. На пример, хибридните состаноци веќе играат клучна улога во создавањето простори за соработка. Постојаниот развој на иновации во различни алатки, како што се 3D проектори, ќе помогне да се премости јазот помеѓу луѓето кои работат од далечина и оние кои остануваат во канцеларија. Подобрувањето на искуството со прикажување на проекции во природна големина на учесниците обезбедува еднаквост, како и подобар ангажман. 

Одржливост

Со човечката генијалност отворена за иновации, и соработката на најдобрите меѓу нас, само небото е граница. Меѓутоа, како што светските ресурси се ограничени, така и човечкиот мозок и тело имаат свои граници. Затоа, одржливоста треба да биде основа на бизнисот и деловната индустрија. Ова бара корпорациите да развиваат не само сопствен бизнис, туку и да започнат други, да бидат моторот на целата локална заедница, да ја промовираат културата на стартапи, но и партнерите да растат со нив.

 Доживотно учење и подобрување

Несомнено е дека иновациите и технолошките пресврти брзо го менуваат обемот и темпото на работа. Покрај работното опкружување подготвено драматично да се прилагоди на автоматизацијата и дигитализацијата, како и растот на целосно нови индустрии, развивањето вештини со сериозна посветеност на доживотното учење ќе биде клучно за задоволување на идните потреби на работната сила. Накратко, новата работна сила ќе биде онаа која ќе знае како да анализира податоци и да работи со вештачка интелигенција, како и со роботи - притоа не заборавајќи ја иницијативата да се види што бара иднината во однос на вештините за да се задржи чекор со технологиите што се развиваат.

Што значи сето ова за компаниите? Компаниите, вели Epson, треба да создадат конкретни планови за искористување на овие мегатрендови и да ја подготват својата работна средина за 2030 година. За да го постигнат ова, лидерите мора да се фокусираат на развој заснован на технологија и човечки вештини, предводени од разумни луѓе, кои имаат визии и кои можат да го водат одржливо работењето.

За почеток, компаниите треба да размислат како да ги искористат демографските промени во проценките на работната сила. Карактеристика на 21 век е се поголемиот број млади луѓе кои длабоко се грижат за социјалните и еколошките прашања. Како што повеќе Gen Z влегуваат во работната сила, товарот е на бизнисите да бидат водени од општествената одговорност, а не само од профитот. Соодветно на тоа, деловните лидери треба да ги разгледаат и повторно да ги формулираат своите долгорочни планови за да вклучат одржливи стратегии и да усвојат општествено одговорни практики за усогласување на нивните операции.

 „Претпријатијата мора да ги интегрираат еколошките, социјалните и факторите на управување (ESG) во нивните производи и услуги. Тие мора да го преиспитаат нивното влијание врз животната средина, како и зголемената побарувачка за транспарентност во етичките и еколошките политики. Ова вклучува преиспитување на начинот на кој работиме, од иницијативи за декарбонизација до создавање на кружна економија која ја намалува употребата на ресурси и отпадот, како и емисиите на јаглерод диоксид“, нагласува Епсон, додавајќи дека компаниите треба подобро да ги разберат начините на кои секој вработен и неговиот тим ја извршува работата, се со цел да се интегрираат технологиите што е можно подобро.

Повеќето лидери сметаат дека недостатокот на талент е најголемата пречка за успешна имплементација на нови стратегии, особено оние водени од дигитализација и автоматизација. Како одговор, компаниите треба да го развијат, нагласува Epson, талентот што веќе го поседуваат внатрешно, преку структурни и образовни програми, за да помогнат во системското поставување на најдобрите вработени во нивните идни улоги.

Додека компаниите се подготвуваат за работење во иднина, потребата за обукаи преквалификација на работниците мора да биде приоритет.

Што е сигурно во неизвесни времиња

Ова се неизвесни времиња, е оценката на експертите од Епсон, бидејќи „работодавачите мака мачат со дефинирање на работните места на иднината, а вработените се загрижени за своите позиции. Сепак, има неколку работи кои се сосема сигурни, имено дека автоматизацијата многу брзо ќе се смета за нормална, дека компаниите без дефиниран сектор ќе се соочат со зголемена контрола и дека ќе биде сè потешко да се најдат и задржат вистинските луѓе за таа работа.

„Имајќи го тоа на ум, компаниите секогаш треба да размислуваат за поместување на нивните граници. Има и позитивни примери, оние кои направиле значителен напредок. Една таква фирма е Амазон, која вети 700 милиони долари за усовршување и обука на луѓето во неколку од нејзините сектори ширум светот. На пример, Техничката академија на Амазон го едуцира нетехничкиот персонал на Амазон за основни вештини за преминување во сектори за софтверско инженерство. Друг пример е Epson, кој инвестира околу 1,14 милиони евра во истражување и развој секој ден, а дополнително, Epson издвои 73 милијарди евра за промоција на одржливи иновации и намалување на емисиите на јаглерод диоксид, како и за работа без фосили горива до 2050 година,“ објаснуваат од компанијата и укажале дека притисокот за промени постои со години и дека и пред пандемијата, компаниите биле премногу бавни, изолирани и многу се потпирале на комплицирани структури на управување.

 „Пандемијата само го потврди она од што многумина се плашеа, а тоа е дека овие работни места се дизајнирани за свет кој исчезнува, а не за иднината на зголемена поврзаност, невидена автоматизација, промена на демографијата и се поголем фокус на луѓето, целта и вредностите. Светот на работата и индустријата многу се промени во последните неколку години. И во иднина ќе продолжат со таква пракса“, заклучува Епсон.