Невромаркетингот станува незаменлива алатка во разбирањето на однесувањето на купувачите. Она што потенцијалните купувачи не можат да го кажат со зборови. Невромаркетингот е иновативно поле на маркетингот, кое користи напредна биометриска технологија и вештачка интелигенција за истражување на несвесните реакции на купувачите поттикнати од одредена маркетинг порака. Тоа може да биде реклама, бренд, пакување, веб страница... 

Невромаркетингот се појавува пред 20 години, кога истражувачите на „Harvard Business Review“ дојдоа до научни сознанија дека 95 насто од одлуките купувачите ги донесуваат потсвесно. За тоа добија и Нобелова награда. 

Од тогаш, невромаркетингот станува поле на интерес на сите компании кои сакаат да разберат - каква улога игра нивниот бренд во животот на купувачите. Купувачи кои не размислуваат со зборови, туку одлуките ги донесуваат импулсивно со помош на емоција и меморија. 

„Проблем во нашиот менталитет е тоа што ние не можеме на некој да кажеме дека нешто не ни се допаѓа. Тоа им ја отежнува работата на меркетерите. Со невромаркетингот, доаѓаме до увид во однесувањето на купувачитем, систем кое е заснован на наши принципи“, вели  Јасна Стоимировска - Величков,  основач на „Арел невромаркетинг“, лабораторија за анализи, истражувања и едукација. 

Алатки на методологија на невромаркетинг 

„Арел невромаркетинг“ користи пет неинвазивни сензори и еден модел за вештачка интелигенција за објективно разбирање на купувачите и нивното однесување. Енцелографот ги мери електричните импусли на невроните во мозокот. Денес, неврологијата е развиена до тој степен што научно е докажано дека ние може да се мерат овие импулси и неколку секунди пред човекот да ја донесе одлуката. Со оглед на тоа дека одредени региони и чувства во мозокот се поврзани со конкретно однесување, енџелографот наоѓа примена и во маркетингот. 

Електрична спроводливост на кожата е специфична алатка која дава сознанија за она кое и ние не сме свесни дека го имаме доживеано. Го мери интензитетот на возбудата преку трансформација на потните жлезди на дланката, нешто кое не е видливо со голо око. Резултатите од истражувањето произлегуваат како резултат на интензитет на возбуда. Поточно, дали е тој пасивен или активен. 

Следачот на поглед е алатка која е создадена специјално за невромаркетингот. Ја снима светлината што се рефлектира од очите на испитаникот. Со тоа може да ја одреди насоката на неговиот поглед. Резултатите се преклоп на визуелно внимание од таа активност. 

Се користи и алгоритам за препознавање на емоции од лице. Со помош на веб камера, овој алгоритам препознава мускули и движења на лицето. Притоа, се храни со дата база од 10 милиони лица. Се добиваат седум групи на емоции кои можат да бидат тага, бес, изненадување... 

EMG и ESG се алатки исто така од медицината. Најчесто примена имаат кај видео рекламите. Се снима срцевиот ритам и мусклулните движења. 

„Сите овие биосензори и сигнали се синхронизираат во еден софтвер во милисекунда. Може да замислите со каков тип на информации располагаме. И зошто тие не се видливи на никаков друг начин. Нашите истражувања најпрво започнуваат во супермаркет. Купувачот се движи со наочари низ маркетот и се упатуваат кон одредена категорија на производи. На лице место можеме да го видиме тој поглед. И притоа да направиме агрегат од информациите од сите купувачи“, вели Стоимировска - Величков.  

Со невромаркетингот се доаѓа до информации за однесувањето на купувачите засновано на научни принципи. Постојат метрики кои го снимаат вниманието. Топлотните мапи ги визуелизираат резултатите од следачот на поглед и покажуваат збир од вниманието. Се потенцираат регионите на полицата кои предивзикуваат внимание, споредба со конкурентните производи. На тој начин им се помага на компаниите да увидат дали тие се истакнуваат на таа полица. На истиот начин се врши анализа на промотивните пораки и цените. 

„Од маркет, резултатите се обработуваат во лабораторија.  Преку истраживање, им се помага на компаниите да изградат брендови кои би останеле во меморијата на купувачите. Се разбира, и подобри производи за нив. Тоа значи производи со додадена вредност и намалена неизвесност на компаниите при креирање маркетинг стратегии. Доколку имате клучна порака на купувањето или да биде изолирана или да биде преставена во контраст. Производи кои имаат поминато низ невромаркетинг истражувањето ги поставуваме на модел на конгнитивен ангажман. Се помага да се дојде до пазарниот потенцијал и каква улога има брендот во животот на купувачите“, вели сопственичката на компанијата.  

Инаку, Јасна Стоимировска - Величков се занимава со невромаркетинг повеќе од една деценија. Таа е пионер во апликацијата на невронауката во маркетингот во нашиот регион. Кариерата како аналитичар на трговските пазари ја почнала во „Nielsen“ – Оксфорд, Велика Британија, а практично знаење и работа со невромаркетинг-методологијата стекнала во Данска и во Холандија. Покрај тоа што им помага на компаниите да разберат каква улога игра нивниот бренд во животот на купувачите. Како што вели Стоимировска - Величков, работите што некогаш сме ги претпоставувале или по интуиција сме верувале дека се вистинити, сега можат прецизно да бидат измерени.