Заработувањето дополнителен приход и паметното управување со парите стануваат сè поважни аспекти на финансиското планирање. Во денешно време има многу можности за инвестирање, а меѓу петте најчести начини на инвестирање се купување недвижен имот, штедење во банка, животно осигурување, купување акции и инвестирање во алтернативни инвестициски фондови. Граѓаните на овие простори традиционално најмногу инвестираат во недвижен имот, сметајќи дека тоа е безбеден начин за зачувување на капиталот. Сепак, во последно време се зголемува интересот за алтернативни инвестициски фондови, опција која овозможува поголем степен на флексибилност и подобри приноси.

Недвижностите како инвестиција – сигурен поврат или долгорочен предизвик?

Инвестирањето во недвижен имот традиционално е една од најчестите форми на пасивен приход. Вредноста на недвижниот имот генерално се зголемува, а можноста за нејзино издавање носи пасивен приход. Сепак, дали е тоа навистина така? Овој тип на инвестиција не ви дозволува да седите и да се опуштите додека вашиот приход расте, бидејќи украсувањето и изнајмувањето стан, куќа или зграда бара ваше внимание и време.

Дополнително, инвестирањето во недвижен имот бара значителен почетен капитал, а процесот на купување, одржување, изнајмување и на крајот продажба може да одземе време и да биде комплициран. Во просек се потребни 15 до 20 години за да се исплати инвестицијата во станови и куќи и да се добие поврат од просечната кирија. Покрај тоа, пазарот на недвижности не е секогаш предвидлив - економските кризи може да предизвикаат пад на цените, што значително го забавува повратот на инвестицијата. Имајќи предвид дека економските превирања може да доведат до промени на пазарот на недвижности, диверзификација или дистрибуција на инвестиции, е клучно доколку сакате стабилен и сигурен принос.

Животно осигурување – долгорочна сигурност за вас и вашето семејство

Генерално, животното осигурување овде на Балканот го купуваат лица на возраст од триесет години кои се пред сѐ млади родители. Покрај основната заштитна функција, полисите за животно осигурување често нудат компоненти за штедење, овозможувајќи им на осигурениците да акумулираат капитал со текот на времето. Оваа форма на инвестирање е особено важна за оние кои сакаат да обезбедат финансиска сигурност за своите најблиски.

Сепак, вкупната премија за осигурување (и животно и неживотно) во последната деценија се движи околу 1,8 отсто од бруто домашниот производ.

Еден од најголемите недостатоци на овој метод на инвестирање е помалиот поврат на вложените средства во споредба со другите инвестициски опции, додека разбирањето на сите аспекти и условите за осигурување може да биде сложено и напорно. Во морето од различни понуди, треба да ја пронајдете политиката што најдобро одговара на вашите потреби. Средствата може да се повлечат само по многу години, што зависи од договорот со осигурителната компанија, а максималната старосна граница варира и може да биде од 65 до 75 години.

Заштеди во банка - сигурни, но со ограничени приноси

Банкарското штедење е еден од најконзервативните и највообичаените начини на инвестирање. Депозитите се осигуруваат само до износ од 50.000 евра, а се што е над тоа е изложено на ризик од деловниот успех на банката. Каматните стапки на ороченото штедење со години беа ниски, (последнава година конкретно во Македонија, банките за да привлечат свеж капитал ги зголемија каматите на орочените средства на годишно ниво), па ако парите само ви седат во банка, без соодветна камата, секоја година губите повеќе пари отколку што добивате поради инфлацијата. Со оглед на тоа што годинава инфлацијата е 4,5 отсто, тоа значи дека реалната вредност на вашите заштеди е намалена.

Алтернативни инвестициски фондови – можност за диверзификација и повисоки приноси

Иако штедењето во банка изгледа како сигурна опција, нејзините каматни стапки често се ниски во споредба со алтернативните инвестициски фондови, кои историски даваат принос меѓу 11 и 20 проценти годишно.

Можете да повлечете средства од алтернативен фонд кога сакате, што е предност во однос на недвижниот имот и животното осигурување, бидејќи можете побрзо да пристапите до парите. Меѓутоа, ако сакате да постигнете значителни даночни поволности со инвестирање во алтернативен инвестициски фонд, средствата може да ви бидат достапни по три календарски години, во согласност со Законот за персонален данок на доход.

Исто така, овој метод на инвестирање нуди флексибилност во споредба со инвестирањето во недвижен имот, каде што капиталот е врзан на долг рок. Друга важна предност е удобноста за корисникот со чии пари управува менаџер на портфолио, во споредба со самостојното купување акции.

Всушност, алтернативните инвестициски фондови работат на принципот на купување инвестициски единици - инвеститорите ги вложуваат своите средства, а друштвото за управување ги инвестира тие пари понатаму и генерира принос. За разлика од индивидуалното инвестирање, каде што е неопходно да се следи пазарот и да се анализираат можностите, инвестирањето во средства заштедува време, бидејќи финансиските експерти носат одлуки во име на инвеститорот. Добивката се зголемува годишно, така што долгорочниот потенцијал за раст и повисоките приноси ги прават алтернативните фондови сè попопуларна опција за инвестирање.

Освен на пазарот на капитал (акции и обврзници), средствата може да се инвестираат и во приватни компании, инфраструктурни проекти, како и во обновливи извори на енергија, како соларни паркови и ветерници. Дополнително и даночните олеснувања на приходите на граѓаните ги поттикнаа инвестициите во овие фондови.

Купување акции – висок потенцијал, но и поголем ризик

Инвестирањето на берзата може да донесе значителен принос преку растот на вредноста на акциите и исплатата на дивиденди. Овој тип на инвестиции дава можност за распределба на капиталот и учество во растот на водечките компании. Сепак, нестабилноста на пазарот носи ризик од губење на вложениот капитал, а успешното инвестирање бара одредено знаење, трпение, значителни временски инвестиции и внимателно следење на движењата на пазарот. 

Оние кои сакаат да инвестираат во акции треба да бидат подготвени за флуктуации на вредноста и да имаат долгорочна перспектива за инвестирање. Се разбира, кога донесувате одлука за тоа како да инвестирате, важно е да ги земете предвид вашите лични финансиски цели, толеранцијата на ризик и временскиот хоризонт на инвестирање. Паметната комбинација на различни инвестициски опции, како и распределбата на инвестициите обезбедена од алтернативните инвестициски фондови, може да придонесе за рамнотежа помеѓу безбедноста и повратот, прилагодена на вашите индивидуални потреби. (FinanceMoney)