PayPal  неделава лансираше стабилна валута поврзана со американскиот долар, со што стана првата голема компанија за финансиско работење што прифаќа дигитални валути за плаќања и за трансфери.

Објавата на PayPal, која ги зголеми акциите на компанијата за 2,66 отсто на почеток на неделава, ја одразува довербата во проблематичната индустрија за криптовалути, која се бореше во изминатите 12 месеци со регулаторни пречки влошени со серија големи колапси.

Додека stable coin - крипто токени чија парична вредност е поврзана со стабилни средства за да се заштит од волатилност – постојат веќе со години, тие допрва треба успешно да напредуваат во главниот екосистем за плаќања.

Наместо тоа, потрошувачите најчесто користат стаблекоини како средство за тргување со други криптовалути, како што се биткоин и етер. Најголемата стабилна валута во светот е Tether, по што следи USD Coin, издадена од крипто провајдерот Circle.

Претходните обиди на големите мејнстрим компании да лансираат стаблекоин наидоа на жестоко противење од финансиските регулатори и креаторите на политиките. Плановите на Мета (META.O), а потоа и на Facebook во 2019 година за лансирање на stablecoin, Libra, беа спречени откако регулаторите изразија стравување дека може да ја наруши глобалната финансиска стабилност.

- Со лансирањето на првиот stablecoin од водечка финансиска институција, PayPal и Paxos ја докажуваат вистинската вредност на блокчејн технологијата. PayPal USD е најзначајниот скок напред за дигиталните средства и финансиската индустрија, а Paxos е горд што го овозможува овој трансформативен производ - рече извршниот директор на Paxos, Чарлс Каскарила.

„PayPal не е толку поларизирачки како Facebook, но тоа е име од висок профил што сигурно ќе привлече внимание на Капитол Хил, и од Федералната резерва и од Комисијата за хартии од вредност“, смета Иан Кац, извршен директор на Capital Alpha Partners во белешката.

PayPal stablecoin наречен PayPal USD, е поддржан од депозити во американски долари и краткорочни државни обврзници и слични парични еквиваленти, а ќе го издава Paxos Trust Co. Изграден е на блокчејнот ethereum и „дизајниран за дигитални плаќања и Web3“, а компанијата вели дека наскоро ќе биде достапен за корисниците во САД.

Токенот може да се користи за американски долари во секое време, а може да се користи и за купување и продавање на други криптовалути што PayPal ги нуди на својата платформа, вклучувајќи го и биткоинот.

PayPal може да се пофали со повеќе од 350 милиони активни корисници и веќе им овозможува на корисниците во САД и Обединетото Кралство да купуваат, продаваат и чуваат биткоин, етер, биткоин кеш и лајткоин, истовремено овозможувајќи плаќања во наведените криптовалути.

Пазарот на stablecoin има циркулирачка понуда од 126 милијарди долари, доминирана од USDT, која има пазарна капа од 86,5 милијарди долари, по што следи USDC со пазарна вредност од 26 милијарди долари и неколку други. Сепак, многу stablecoini неодамна се соочија со регулаторни пречки во САД, каде што креаторите на политиката моментално дебатираат за двопартиско законодавство за stablecoin.