„Подравка Агри“ и „Фортенова Груп“ во јули минатата година склучија купопродажен договор за преземање на земјоделскиот сегмент на Групацијата Фортенова, со вкупна вредност од 333 милиони евра. Од компанијата информираат дека „Подравка Агри“ претходно добила позитивни одлуки од надлежните органи за пазарна конкуренција на Северна Македонија, Босна и Херцеговина, Косово, Црна Гора и Србија.

Земјоделскиот сегмент на Групацијата Фортенова го сочинуваат компаниите: Беље плус, ПИК Винковци плус, Вупик плус, Енергија Градец, Беље Агро-Вет плус и Феликс плус.

Преземањето на земјоделскиот сегмент на Групацијата Фортенова е значаен стратешки чекор за Подравка, во која, по финализирањето на трансакцијата, земјоделското производство ќе биде третиот стожер на бизнисот, заедно со прехранбената и фармацевтската индустрија.

Токму затоа е основана фирмата „Подравка Агри“, која ќе стопанисува со новостекнатиот земјоделски сегмент, а во чии рамки преземените компании ќе продолжат да работат како независни компании, пренесува Индекс.

Подравка соопшти дека нејзината компанија „Подравка Агри“ добила позитивно решение од Агенцијата за заштита на пазарната конкуренција (АЗТН) со кое е потврдена дозволата за концентрација на претприемачи на 1-во ниво во однос на Беље плус, ПИК Винковци плус, Вупик плус, Енергија Градец, Беље Агро- Вет плус и Феликс плус.

„Подравка Агри“ претходно доби позитивни одлуки од надлежните органи за пазарна конкуренција на Северна Македонија, Босна и Херцеговина, Косово, Црна Гора и Србија и сè уште треба да прибира одлуки од надлежните органи за конкуренција на пазарите каде што е обврзана да го стори тоа. Ова ќе ги обезбеди сите потребни регулаторни одобренија за Подравка Агри да го преземе земјоделскиот сегмент на Групацијата Фортенова.