САСА парично ги награди вработените и донираше 120.000 долари за нов градски парк. По повод празникот, Денот на рударите (28. Август) сите 705 вработени во САСА добија парични награди и подароци. Дополнително на 122 вработени им беа врачени специјални парични награди и признанија за нивниот извонреден придонес во безбедноста и здравјето при работа и перформансите на нивните работни места.
САСА парично ги награди вработените и донираше 120.000 долари за нов градски парк
Оваа година САСА, во чест на Денот на рударите, преку својата Фондација за поддршка на одржливиот развој, донираше над 120.000 долари во изградба на нов парк „Младост“ во Македонска Каменица, чија изградба започна на 12 јуни оваа година, на одбележувањето на 15-годишнината од рестартирањето на рудникот.
„Сите ние во тимот на САСА сме задоволни што и покрај сите ограничувања што ги наметна пандемијата и оваа година успеавме на безбеден начин да го одржиме производството. И, со поддршка од нашите инвеститори – Централ Азија Металс, да продолжиме да вложуваме: во современа рударска опрема и технологија; во унапредување на безбедноста и дигитализација на техничките процеси; во подигнување на стандардите и работните услови во рудникот; како и во благосостојбата и професионалниот развој на сите наши вработени.
Секако, исклучително сме горди и на големиот број проекти за поддршка на заедницата што ги реализиравме во изминатиот период. Но, и на оние што се планирани за во иднина, во областа на образованието, спортот, животната средина, здравствената заштита и ранливите социјални групи.
И во наредниот период ќе продолжиме да инвестираме во сите сегменти кои треба да обезбедат оптимално функционирање на САСА на долг рок, како и во дополнителни вработувања. А, ќе продолжиме и со вложувањата во сите области кои се значајни за долгорочниот просперитет на луѓето и на локалната заедница“, изјави генералниот директор на САСА, Скот Јеланд, честитајќи им го годинешниот празник на сите рудари и вработени во македонската рударска индустрија.
Преку Фондацијата за поддршка на одржливиот развој Рудникот САСА ја реализира својата намера да вложува по 300 000 долари годишно во различни области значајни за животот и просперитетот на луѓето и локалната заедница.
