Самитот за безбедност „Адрија“ 2025, најголемиот настан на безбедносната индустрија во Југоисточна Европа, ќе се одржи по повод десетгодишнината на 8 и 9 октомври 2025 година во хотелот „Александар Палас“ во Скопјe.

 Овогодинешното издание ќе собере повеќе од 3000 учесници и над 150 излагачи кои ќе ги презентираат најновите решенија во областа на видео надзорот, сајбер безбедноста, IoT технологиите, вештачката интелигенција, автоматизацијата и паметните градови.

 Самитот има за цел да промовира соработка, споделување знаење и деловно вмрежување во рамките на безбедносната и технолошката заедница во регионот.

Настанот е организиран од експертското списание за комплетни безбедносни решенија „Адрија“, членка на глобалната група за безбедносни медиуми во сопственост на „Мес Франкфурт“.

Најавувајќи го десеттото издание на Самитот, претседателот на организацискиот одбор, Махир Хоџиќ, ја нагласи важноста на настанот за развојот на безбедносната и технолошката индустрија во регионот.

 „Самитот за безбедност на Adria претставува единствена платформа за презентирање на најновите технолошки решенија и воспоставување деловни врски во рамките на безбедносната индустрија во Југоисточна Европа. Преку изложбени и конференциски содржини, како и низа мрежни активности, Самитот им овозможува на компаниите, експертите и институциите да се поврзат, да разменуваат знаења и заеднички да одговорат на современите безбедносни предизвици“, рече Хоџиќ.

Самитот за безбедност на Adria 2025, покрај богатиот изложбен простор, ќе вклучува и конференциска содржина со експертски панели, предавања и презентации од водечки меѓународни и регионални експерти. Посебен фокус е ставен на поврзување на деловните партнери преку подобрената Програма за делегација на купувачи и дигиталната платформа run.events, која овозможува лесно закажување состаноци меѓу учесниците и излагачите.

Новината на овогодинешниот Самит е Adria Smart City, нова платформа која ќе се организира за прв пат паралелно со Самитот и е посветена на паметни решенија за управување со градовите. Како дел од настанот Adria Smart City, ќе бидат презентирани технологии од областите на мобилност, енергетика, дигитализација, безбедност и урбана инфраструктура. Програмата е наменета за урбанисти, претставници на институции, инженери, архитекти и сите актери кои придонесуваат за развој на одржливи и функционални градови.

Аплицирањето за посетители е отворено. Регистрацијата се врши преку дигиталната платформа run.events, а сите учесници добиваат алатки за подобрено вмрежување и организирање состаноци. Повеќе информации за настанот, учесниците и регистрацијата се достапни на официјалната веб-страница www.adriasecuritiesummit.com.