AMD и Intel се две од најголемите полупроводнички компании, а конкуренцијата станува сè поинтензивна бидејќи двете се натпреваруваат во CPU процесори, дата центри и AI инфраструктура. Иако голем дел од пазарот сè уште е фокусиран на доминантниот NVIDIA и неговите AI акцелератори, AMD и Intel се оценуваат според тоа дали можат да конкурираат во AI циклусот. Последните извештаи за заработка покажуваат дека двете компании напредуваат, но засега и двете остануваат зад пазарниот лидер NVIDIA.
AMD и Intel ги подобрија своите перформанси
AMD бележи стабилен раст благодарение на зголемените приходи од дата центрите, а Intel се фокусира на реструктурирање и намалување на трошоците. Додека AMD продолжува со растот, Intel работи на враќање на довербата на пазарот.
Најновите резултати на AMD за првиот квартал од годинава, објавени на 5 мај, покажаа подобри резултати и во заработка и во приходи. Главен двигател на бизнисот кај оваа компанија се дата центрите, којшто порасна за 57 отсто на годишно ниво поради зголемената побарувачка за AI акцелератори. AMD исто така најави дека очекува приходите во тековниот квартал да пораснат за 45 отсто на годишно ниво.
Intel исто така објави резултати над очекувањата на 23 април, иако не толку спектакуларни како AMD. Intel соопшти дека побарувачката за Xeon серверските чипови се зголемила, а забележан е раст и во бизнисот со дата центри. Генерално, AMD се смета за компанија која продолжува да расте, додека Intel се гледа како компанија што го запрела падот и отвора нови извори на приходи.
Прогнози на AMD и INTEL во 2026
Реакцијата на пазарите по резултатите на Intel беше многу позитивна, при што цената на акциите скокна за околу 23 отсто и достигна рекордно високо ниво. AMD исто така порасна за шест проценти и достигна историски максимум по позитивните резултати.
За Intel, главен двигател оваа година беше директната или индиректната поддршка од Белата куќа. Компанијата има корист од американскиот CHIPS Act, добивајќи повеќе од осум милијарди долари директни грантови и до 11 милијарди долари државно поддржани кредити за проширување на производствените капацитети во САД. За возврат, американската влада сега поседува удел од 9,9 отсто во компанијата.
Американската трговска политика за поддршка на домашните компании кои ја поддржуваат AI индустријата дополнително го зајакна Intel. Иако AMD нема директна корист од CHIPS Act, индиректно профитира бидејќи компании како TSMC, кои добиваат поддршка, обезбедуваат стабилно снабдување со чипови за AMD. Но, кон крајот на февруари, AMD потпиша огромен договор за продажба на AI чипови во вредност од 60 милијарди долари на Facebook, со испораки што започнуваат оваа година.
INTEL влезе во фабриката за чипови FOUNDRY
ntel е една од најголемите „comeback“ приказни оваа година и во последните неколку месеци организира повеќе значајни настани, анализира трговската платформа Fortrade international. Во почетокот на април Intel објави дека го откупува 49 отсто уделот во фабриката Fab 34 од Apollo за 14,2 милијарди долари. Потегот ја покажува намерата на Intel да создаде глобална foundry алтернатива на Taiwan Semiconductor (TSMC).
Foundry е производител на чипови кој произведува и за други компании. Само неколку дена подоцна Intel објави партнерство со Elon Musk за проектот Terafab. Terafab во основа е огромен планиран проект за фабрика за чипови предводен од Tesla, SpaceX и xAI, каде Intel би произведувал стотици илјади AI чипови за овие компании. Оваа стратегија, како што наведуваат од платформата, значително ја зголеми довербата на пазарот, што се одрази со остриот раст на цената на акциите. Intel го одржа својот AGM на 6. мај, при што беа заменети повеќе долгогодишни членови на одборот, што сигнализира нова стратегија.
Цените на акциите на INTEL и AMD забележаа силен раст годинава
Перформансите на акциите на Intel оваа година се извонредни. Компанијата е меѓу најдобрите акции по раст, а цената е зголемена за 200 отсто од почетокот на 2026 година. Откупот на foundry уделот, најавата за Terafab и резултатите од заработката ја испратија акцијата на рекордно високи нивоа. Акциите на AMD исто така ги надминаа повеќето компании на пазарот, со раст од над 93 проценти оваа година. Инвестициските банки се позитивни за перспективите на двете компании, а Mizuho и Citigroup ги зголемија своите ценовни таргети за AMD и Intel во изминатите две недели.
Двете компании изгледаат како да се во подем во сектор со огромен потенцијал за раст — AI чиповите — но со различни стратегии. Тешко е да се каже која компанија има предност, заклучуваат од трговската платформа, но во овој момент е јасно дека Intel презема повеќе ризици со своето проширување и бележи поголем раст на цената на акциите. Останува да се види дали некоја од компаниите ќе успее да го достигне NVIDIA.
