Работењето на најголемите регионални телекомуникациски компании секогаш е во фокус на јавноста, затоа што нивното стопанисување е речиси секогаш во позитива. Дека тоа е така потврдуваат и анализата на Банкар, според извештаите за работењето на 21 компанија од шест земји од поранешна Југославија, од кои 16 се членки на четири големи телекомуникациски групи, што повторно доволно говори за поврзаноста на овој регион.

Според анализата, вкупните приходи на набљудуваните компании во претходната 2022 година изнесуваат над 6,1 милијарди евра и се повисоки за речиси 6,5 отсто во однос на вкупните приходи остварени во текот на 2021 година. Сепак, вкупната добивка на компаниите во 2022 година е за речиси три проценти помала во однос на претходната година. Добрата вест е што бројот на вработени во набљудуваните компании е зголемен за над 900 новоотворени работни места, така што сега вработуваат вкупно 33.566 работници.

Најголемата телекомуникациска компанија во регионот - Телеком Србија, на територијата на Република Србија во текот на претходната година остварила приход од над една милијарда евра, со двоцифрен годишен раст од дури 11 проценти. Дополнително, оваа компанија е рекордер по остварена добивка, како единствена компанија која остварила годишен профит над 100 милиони, а воедно е и прва на листата кога станува збор за бројот на вработени со 7.980 ангажирани работници.

Хрватски Телеком, компанија која е дел од германскиот гигант Дојче Телеком, е на втората позиција според приходите. Оваа компанија лани остварила приход од речиси 830 милиони евра, што претставува годишен раст од околу 2,4 отсто. Телеком Словенија е на трето место според приходите, со нешто помалку од 580 милиони евра приходи, иако ова е единствената компанија на листата која бележи годишен пад на приходите. Четвртата позиција ја држи уште една хрватска компанија А1, која е членка на австрискиот концерн Телеком Австрија, а на петтата позиција е српскиот Јетел (Yettel), поранешен Теленор.

Црногорскиот Телеком е на 18-то место по годишни приходи, а зад него се Телемах Босна и Херцеговина, како и преостанатите две црногорски телекомуникациски компании: ОНЕ и Телемах.

Македонскиот Телеком којшто е дел од Дојче Телеком е на 13-та позиција со 192 635 милиони евра, што во однос на претходната година бележи раст од 5,30 отсто.  Веднаш зад него се наоѓа А1 Северна Македонија  (чија матица е Телеком Австрија) со приход од 141.320 милиони евра што претставува раст од околу пет проценти во однос на 2021 година

Според анализата на конечниот деловен резултат, состојбата на листата е слична како и кога се во прашање остварените приходи. На првата позиција повторно се наоѓа Телеком Србија, на втората позиција, како и во рангирањето на приходите, е Хрватски Телеком со регистрирана нето годишна добивка од 92 милиони евра. Телеком Словенија, кој е на третата позиција по приходи, според рангирањето на остварени добивки е со полош годишен резултат од речиси 40 отсто од претходната година и е на 10-та позиција. Третата позиција по остварена добивка ја држи српски Јетел со годишен раст од над 15 отсто и забележани 72 милиони евра добивка.

Најголем годишен процентуален пораст на нето добивката остварила компанијата ЈП „Хрватски телекомуникации д.д. Мостар“ со годишен раст од дури 256 отсто, но сепак со скромен резултат во апсолутни бројки од само 388 илјади евра добивка. Најголем годишен пад на добивката забележаа словенечките компании: А1 Словенија со процентуален пад од 86 отсто и Телемах Словенија со полош годишен резултат од дури 97 отсто (во 2021 година забележаа над 10 милиони заработка, а во 2022 година ја завршија годината со само 265 илјади евра добивка).

Македонските телекомуникациски компании според нето добивката добро котираат. Македонски Телеком иако бележи пад на добивката од 5,50 проценти во однос на 2021 година сепак со профит од 24.399 милиони евра се позиционира на деветто место. Телеком Австрија А1 Северна Македонија е на 11 позиција со добивка од 14.881 милиони евра, која во споредба со претходната година е намалена за 2,59 отсто.  

Вкупната добивка на набљудуваните 21 компанија изнесува 583 милиони евра, а важно е да се напомни дека речиси половина од тој резултат го „носат“ првите три компании од листата. Исто така, важно е да се истакне дека сите анализирани компании се покажаа позитивно во текот на претходната година.

Според анализата на банкар, повеќе од половина од компаниите всушност го зголемиле бројот на вработени (вкупно 11) во однос на претходната година, додека дури 10 компании ја намалиле својата работна сила во текот на 2022 година.

Најголем одлив на работна сила е забележан кај Хрватски Телеком, кој во 2022 година имал дури 155 вработени помалку од претходната година, а потоа следат Телемах Словенија и Македонски Телеком, кои лани имале намалување на вработените за по 51 лице помалку од 2021 година. Практично Македонски Телеком го намалил бројот на вработени за 5,60 отсто, односно од 911 во 2021 на 860 минатата година. Минимално намалување за 1,43 отсто е забележано и во А1 Македонија.

Процентуално, во текот на 2022 година, српските оператори Јетел и А1 Србија вработиле најмногу жени, што го зголемило бројот на вработени во нивните компании за 21 отсто (291 нововработени во Јетел) и 15 отсто (211 нововработени во А1 Србија).

Според прикажаните бројки од анализата се забележува дека најголема телекомуникациска групација во регионот е Групацијата Телеком Србија, која лани остварила приход од 1,42 милијарди евра, забележа позитивен бизнис на ниво од 162 милиони евра, а во исто време вработила над 11 илјади работници во регионот. Присуството на Групацијата Дојче Телеком во регионот од поранешна Југославија е исто така многу значајно со над 1,2 милијарди евра приход и речиси 120 милиони евра профит. Над 6,5 илјади работници биле активни во фирмите кои индиректно припаѓаат на оваа групација во текот на претходната година.

Кога станува збор за земјите од нашиот регион, компаниите во Србија најдобро работат со кумулативна остварена добивка од над 266 милиони евра, а во исто време вработуваат двојно повеќе работници од нивните конкуренти во Хрватска, која е втора по вкупната добивка од на 150 милиони евра. Словенските телекоми се на трето место според остварената добивка меѓу поранешните ЈУ републики со 29,330 милиони евра и околу 3 897 вработени. Четврта е Босна и Херцеговина со вкупна добивка од 78.851 милион евра од своите телекоми и 7 581 вработен. Македонските телекомуникациски компании вработуваат вкупно 1 616 работници и оствариле нето добивка од вкупно 39.280 милиони евра. Последна на листата од шесте републики е   црногорскиот телекомуникациски сектор каде лани биле вработени 1 418 работници, и оствариле нешто повеќе од 19 милиони евра добивка со придонес од 231 милион евра.

Споредат презентираните податоци, најголеми приходи остваруваат вработените во словенечките телекомуникациски компании, додека најголем профит по вработен имаат вработените во хрватските компании.

Извор: Bankar.me