Турција започна мега-проект за изградба на Истанбулскиот канал. Во Истанбул беше поставен камен-темелникот за изградба на мостот Сазлидере, првиот во мега-проектот за изградба на Истанбулскиот канал, кој, паралелно со Босфорот, ќе го поврзува Мрарморно со Црното Море.
Турција започна мега-проект за изградба на Истанбулскиот канал
Според анализите во триесетите години на минатиот век преку Босфор годишно во просек пловеле 3.000 бродови. Тој број сега е околу 45.000 бродови. Додека според оптимистичките проценки до 2050 година се очекуваат дури 78 000 пловни објекти, пренесува новинската агенција Анадолија.
„Пловидбата на секој голем брод низ Босфор претставува сериозен ризик за градот. „Босфорот е база на многу високи фреквенции на бродови од сите категории од сите четири страни на светот, поради што изградбата на најавениот канал, меѓу другото, гарантира зачувување на историското и културното ткиво на Босфорот,“ смета турскиот претседател.
Ќе „никнат“ шест мостови и два града
Сегашната траса на Истанбулскиот канал е избрана врз основа на научни анализи, како најразумна и најефикасна меѓу петте понудени. Должината на каналот ќе биде 45 километри, ширината на неговата основа ќе биде најмалку 275 метри, а ќе биде длабок 21 метри.
Истражувањата покажале дека испораката во Истанбулскиот канал ќе биде 13 пати побезбедна отколку во Босфор.
Според проектот Истанбулскиот канал би требало да се заврши за шест години и по цена од близу 15 милијарди долари.
Инаку, мега-проектот за изградба на Истанбулскиот канал се планира да се реализира на најеколошки начин што ќе биде единствен не само во Турција, туку и во целиот свет.
По должината на Истанбулскиот канал, кој ќе се протега покрај европскиот дел на Истанбул планирано е да се изградат шест мостови. Додека на неговите брегови ќе бидат изградени два града со население од половина милион луѓе, проценуваат турските државни медиуми.
